New Delhi News: મુખ્ય ચૂંટણી કમિશનર (CEC) જ્ઞાનેશ કુમાર સામેની અરજીઓ પર સોમવારે સુપ્રીમ કોર્ટમાં સુનાવણી (Supreme Court SIR Hearing) થઈ હતી. સ્પેશલ ઇન્ટેન્સિવ રિવિઝન (Special Intensive Revision) સાથે જોડાયેલા નિર્ણયોને લઈને દાખલ કરવામાં આવેલી અરજીઓમાં જ્ઞાનેશ કુમારને પદ પરથી દૂર રાખવાની માગ કરવામાં આવી હતી. જોકે, સુપ્રીમ કોર્ટે હાલ CECને સસ્પેન્ડ કરવાનો આદેશ આપવાનો ઇનકાર કર્યો છે. સાથે જ કોર્ટે ચૂંટણી પંચ પાસેથી જવાબ માગ્યો છે.
આ મામલે સીજેઆઈ સૂર્યકાંત, જસ્ટિસ જયમાલ્યા બાગચી અને જસ્ટિસ વી. મોહનાની બેન્ચે સુનાવણી કરી હતી. અરજદારો તરફથી SIR સંબંધિત કેટલાક નિર્ણયો અન્ય ચૂંટણી કમિશનરોની સંમતિ વિના લેવામાં આવ્યા હોવાનો આક્ષેપ કરવામાં આવ્યો છે.
Supreme Court SIR Hearing: SIRના નિર્ણયોમાં સર્વસંમતિ હતી કે નહીં?
સુપ્રીમ કોર્ટે ચૂંટણી પંચ સમક્ષ મુખ્યત્વે નિર્ણય લેવાની પ્રક્રિયા અંગે સવાલ ઉઠાવ્યો છે. કોર્ટ જાણવા માગે છે કે SIR સંબંધિત નિર્ણયો સર્વસંમતિથી લેવામાં આવ્યા હતા કે નહીં.
અરજદારોનો આરોપ છે કે SIR સાથે સંબંધિત આશરે 14 નિર્ણયો અન્ય બે ચૂંટણી કમિશનરોની સંમતિ વિના લેવામાં આવ્યા હતા. આ દાવાને લઈને અરજદારોએ કોર્ટમાં આ નિર્ણયો રદ કરવાની માગ કરી છે.
અખબારી અહેવાલના આધારે સીધો આદેશ નહીં
સુનાવણી દરમિયાન CJI સૂર્યકાંતે ચૂંટણી પંચ સાથે જોડાયેલા અહેવાલો અંગે પણ મહત્વની ટિપ્પણી કરી હતી. તેમણે કહ્યું કે અખબારમાં પ્રકાશિત અહેવાલ સંપૂર્ણ સાચો, આંશિક રીતે સાચો અથવા સંપૂર્ણપણે ખોટો હોઈ શકે છે.કોર્ટે સ્પષ્ટ કર્યું કે માત્ર અખબારી અહેવાલના આધારે હાલ કોઈ આદેશ આપી શકાય નહીં. તેથી ચૂંટણી પંચનો જવાબ મેળવ્યા બાદ જ મામલાને વધુ તપાસવામાં આવશે.
જ્ઞાનેશ કુમારને સસ્પેન્ડ કરવાની માગ શું હતી?
અરજદારો દ્વારા સુપ્રીમ કોર્ટ સમક્ષ વિવિધ માગણીઓ કરવામાં આવી છે. તેમાં SIR સાથે સંબંધિત કથિત એકતરફી નિર્ણયો રદ કરવા ઉપરાંત જ્ઞાનેશ કુમાર (Gyanesh Kumar) સામે કાર્યવાહી કરવાની માગનો પણ સમાવેશ થાય છે.આ ઉપરાંત SIR દરમિયાન મતદારોના નામ દૂર કરવાના મામલે SIT તપાસ કરાવવાની અને કેસનો અંતિમ નિર્ણય ન આવે ત્યાં સુધી CECને તેમની કામગીરીથી દૂર રાખવાની માગ પણ અરજીઓમાં કરવામાં આવી હતી.
13 કરોડ નામ હટાવ્યાનો અરજદારોનો દાવો
અરજીઓમાં દાવો કરવામાં આવ્યો છે કે SIR પ્રક્રિયા દરમિયાન 30 રાજ્યો અને કેન્દ્રશાસિત પ્રદેશોમાંથી આશરે 13 કરોડ મતદારોના નામ હટાવવામાં આવ્યા હતા. આ દાવાને લઈને પણ અરજદારો દ્વારા સવાલો ઉઠાવવામાં આવ્યા છે.હાલ સુપ્રીમ કોર્ટે આ દાવાઓને અંતિમ રીતે સાચા ઠેરવ્યા નથી. કોર્ટનો આગામી અભિગમ ચૂંટણી પંચ દ્વારા આપવામાં આવેલા જવાબ અને સંબંધિત રેકોર્ડના આધારે નક્કી થશે.
હાલ CEC પદ પર યથાવત્
સુપ્રીમ કોર્ટે જ્ઞાનેશ કુમારને સસ્પેન્ડ કરવાનો કે તેમની કામગીરી પર હાલ રોક લગાવવાનો આદેશ આપ્યો નથી. બીજી તરફ, ચૂંટણી પંચને નોટિસ પાઠવીને તેનો જવાબ માગવામાં આવ્યો છે. આથી હાલ મામલો કોર્ટ સમક્ષ વિચારાધીન છે અને SIR સંબંધિત નિર્ણય પ્રક્રિયા અંગેના આરોપો પર ચૂંટણી પંચનો પક્ષ સામે આવ્યા બાદ જ આગળની સ્થિતિ સ્પષ્ટ થશે.
આ પણ વાંચો: જ્ઞાનેશ કુમાર વિજિલન્સ તપાસ કેરળ સરકારે 20 વર્ષ જૂના કેસમાં તપાસનો આદેશ આપ્યો
આ પણ વાંચો: CEC જ્ઞાનેશ કુમાર વિરુદ્ધ દેખાવો : મુંબઈથી દિલ્હી સુધી વિરોધનો માહોલ,700થી વધુની અટકાયત
આ પણ વાંચો: જ્ઞાનેશ કુમારના રાજીનામાની માંગ વચ્ચે દિલ્હી-મુંબઈમાં વિરોધ
