Uttar Pradesh News: ઉત્તર પ્રદેશના મેરઠમાં પતિની હત્યા કરીને તેને સાપ કરડવાથી મોત થયું હોવાનું દર્શાવવાના કેસમાં (Meerut Murder Case) કોર્ટે રવિતા અને તેના પ્રેમી અમરદીપને (Ravita Amardeep) ફાંસીની સજા સંભળાવી છે. બંનેને પતિ અમિત કશ્યપની હત્યાના કેસમાં દોષિત ઠેરવવામાં આવ્યા હતા. સજા સંભળાવતાં પહેલાં કોર્ટે વીડિયો કોન્ફરન્સિંગ દ્વારા બંનેનો પક્ષ સાંભળ્યો હતો. આ કેસમાં ચુકાદો આવતાં પીડિત પરિવારને ન્યાય મળ્યાનો દાવો સરકારી વકીલે કર્યો હતો.
Meerut Murder Case: સજા પહેલાં રવિતાએ બાળકોનો ઉલ્લેખ કર્યો
સજા સંભળાવતા પહેલાં કોર્ટે રવિતા અને અમરદીપને પૂછ્યું હતું કે દોષિત ઠર્યા બાદ તેઓ કઈ સજા ઇચ્છે છે. રવિતાએ કહ્યું હતું કે તેનાં ત્રણ નાનાં બાળકો છે અને તેમની સંભાળ રાખવામાં આવે. આટલું કહી તે ચૂપ થઈ ગઈ હતી. બીજી તરફ, અમરદીપે પોતાનાં વૃદ્ધ માતા-પિતાનો ઉલ્લેખ કરીને તેમની દેખભાળ માટે કોઈ નથી તેમ જણાવ્યું હતું.અહેવાલ મુજબ, બંને પોતાની વાત રજૂ કર્યા બાદ ભાવુક થઈને રડવા લાગી હતી.
પતિની હત્યા બાદ સાપ કરડ્યાનું નાટક કર્યાનો આરોપ
આ કેસની ઘટના 17 એપ્રિલ, 2025ની રાત્રિની છે. ફરિયાદ અને તપાસમાં સામે આવેલી વિગતો મુજબ, રવિતાએ અમરદીપ સાથે મળીને પોતાના પતિ અમિત કશ્યપની ગળું દબાવીને હત્યા (Husband Murder Case) કરી હતી. ત્યારબાદ તેનું મોત સાપ કરડવાથી થયું હોવાનું દર્શાવવા માટે પલંગ પર સાપ છોડી દેવામાં આવ્યો હોવાનો આરોપ હતો.
પોલીસે તપાસ પૂર્ણ કરીને હત્યાના આશરે 60 દિવસમાં ચાર્જશીટ દાખલ કરી હતી. કેસની સુનાવણી દરમિયાન સાક્ષીઓનાં નિવેદનો અને અન્ય પુરાવાઓને આધારે અદાલતે 7 ઑક્ટોબરે રવિતા અને અમરદીપને દોષિત જાહેર કર્યા હતા.
87 તારીખો અને 12થી વધુ સાક્ષીઓની જુબાની
અહેવાલ મુજબ, કેસની સુનાવણી દરમિયાન 551 દિવસમાં 87 તારીખો પડી હતી અને 12થી વધુ સાક્ષીઓનાં નિવેદનો નોંધવામાં આવ્યાં હતાં. ત્યારબાદ અદાલતે બંને આરોપીઓને દોષિત ઠેરવી સજા સંભળાવી હતી. ચુકાદા દરમિયાન ન્યાયાધીશે ગુનાની ગંભીરતાનો ઉલ્લેખ કર્યો હતો. અદાલતે આ ગુનાને અત્યંત ગંભીર ગણીને કડક સજા ફટકારી હોવાનું અહેવાલમાં જણાવાયું છે.
સરકારી વકીલ ભાવુક થયાં
કેસમાં સરકારી પક્ષ તરફથી દલીલો કરનાર ADGC મરજાના મકસૂદ ચુકાદા બાદ ભાવુક થઈ ગયાં હતાં. તેમણે જણાવ્યું કે પતિ-પત્ની વચ્ચેના પવિત્ર સંબંધનો ભંગ કરીને હત્યા (Death Sentence) કરવામાં આવી હતી. પીડિત પક્ષને ન્યાય મળતાં તેમણે પોતાના આંસુઓને ખુશીનાં આંસુ ગણાવ્યાં અને રાજ્ય સરકાર તથા અદાલતનો આભાર વ્યક્ત કર્યો.
મેરઠમાં ત્રણ દિવસમાં ચાર દોષિતોને ફાંસીની સજા
અહેવાલ અનુસાર, મેરઠની અદાલતે ત્રણ દિવસમાં ચાર દોષિતોને ફાંસીની સજા સંભળાવી છે. આ પહેલાં 14 ઑક્ટોબરે સૌરભ રાજપૂત હત્યા કેસમાં મુસ્કાન અને તેના પ્રેમી સાહિલને પણ ફાંસીની સજા ફટકારવામાં આવી હતી. આ કેસમાં સૌરભ રાજપૂતના ભાઈ રાહુલ અને માતા રેણુ દેવી પણ કોર્ટમાં હાજર રહ્યાં હતાં.
રવિતા અને અમરદીપના કેસમાં અદાલતના ચુકાદા બાદ હવે આગળની કાનૂની પ્રક્રિયા મહત્ત્વપૂર્ણ રહેશે.
આ પણ વાંચો: ‘દિલ્હીને વોર ઝોન સરકાર બનાવે છે,’ તિરંગા માર્ચ સામે વેપારીઓના વિરોધ પર દીપકેનો જવાબ
આ પણ વાંચો: સુપ્રીમ કોર્ટનો મોટો નિર્ણય: કનોટ પ્લેસમાં વિરોધ પ્રદર્શન પર રોક નહીં
