National News : જમ્મુ-કાશ્મીરના મુખ્યમંત્રી ઓમર અબ્દુલ્લા અને પત્રકાર નિધિ રાઝદાનના (Omar Nidhi Marriage)લગ્નને લઈને વિવાદ ઊભો થયો છે. ઓલ ઈન્ડિયા મુસ્લિમ જમાતના રાષ્ટ્રીય અધ્યક્ષ મૌલાના મુફ્તી શહાબુદ્દીન રઝવીએ આ લગ્ન અંગે ફતવો (Fatwa)જાહેર કરીને તેને ઇસ્લામિક કાયદા મુજબ અમાન્ય ગણાવ્યા હોવાનો દાવો કર્યો છે. મૌલાનાના નિવેદન બાદ આ મામલો ચર્ચામાં આવ્યો છે. તેમણે લગ્નની ધાર્મિક માન્યતા અંગે સવાલ ઉઠાવીને કહ્યું છે કે ઇસ્લામમાં લગ્ન માટે બંને પક્ષો મુસ્લિમ હોવા જરૂરી છે.
Omar Nidhi Marriage : મૌલાનાએ લગ્નને કેમ ગણાવ્યા અમાન્ય?
મૌલાના મુફ્તી શહાબુદ્દીન રઝવી (Mufti Shahabuddin Razvi)ના જણાવ્યા અનુસાર, ઇસ્લામમાં લગ્ન માટે કેટલાક ધાર્મિક નિયમો અને સિદ્ધાંતો નક્કી કરવામાં આવ્યા છે. તેમણે દાવો કર્યો કે ઓમર અબ્દુલ્લા (Omar Abdullah)મુસ્લિમ છે, જ્યારે નિધિ રાઝદાન બિન-મુસ્લિમ છે. આ સંજોગોમાં બંનેના લગ્ન ઇસ્લામિક કાયદા હેઠળ માન્ય ન હોવાનું તેમનું કહેવું છે.
લગ્ન પહેલાં ધર્મ પરિવર્તનની વાત કરી
મૌલાનાએ પોતાના નિવેદનમાં કહ્યું કે જો ઓમર અબ્દુલ્લા (Omar Abdullah)નિધિ રાઝદાન (Nidhi Razdan)સાથે ઇસ્લામિક વિધિ મુજબ લગ્ન કરવા ઇચ્છતા હતા, તો પહેલાં નિધિએ ઇસ્લામ સ્વીકારવો જોઈતો હતો. તેમના મતે, નિધિને કલમાનો પાઠ કરાવ્યા બાદ લગ્ન કરવામાં આવ્યા હોત તો તેને ધાર્મિક રીતે માન્ય ગણાવી શકાયા હોત. જોકે, આ મૌલાનાનો ધાર્મિક અભિપ્રાય છે; તેને કોર્ટના નિર્ણય અથવા કાયદેસર ચુકાદા તરીકે જોવો નહીં.
લગ્ન અંગે સોશિયલ મીડિયા પર કરી હતી જાહેરાત
ઓમર અબ્દુલ્લા અને નિધિ રાઝદાને 31 ઓક્ટોબરે સોશિયલ મીડિયા પર લગ્નની તસવીરો શેર કરીને પોતાના નવા જીવનની શરૂઆતની જાહેરાત કરી હતી. ઓમર અબ્દુલ્લાએ તસવીરો સાથે લખ્યું હતું કે, ‘ગઈકાલથી એક નવી સફરની શરૂઆત થઈ છે.’ બીજી તરફ નિધિ રાઝદને પણ તસવીરો શેર કરીને લગ્નની પુષ્ટિ કરી હતી.
મીડિયા અહેવાલો મુજબ, બંનેના લગ્ન 30 ઓક્ટોબરે થયા હતા અને તેમાં બંને પરિવારના નજીકના સભ્યો હાજર રહ્યા હતા. અહેવાલોમાં લગ્ન સ્પેશિયલ મેરેજ એક્ટ હેઠળ થયાનો પણ ઉલ્લેખ છે.
અગાઉના લગ્નનો કાનૂની વિવાદ પણ સમાપ્ત થયો હતો
ઓમર અબ્દુલ્લાના અગાઉના લગ્ન પાયલ અબ્દુલ્લા સાથે થયા હતા. બંને લાંબા સમયથી અલગ રહેતા હતા. આ લગ્નનો વિવાદ વર્ષો સુધી કોર્ટમાં ચાલ્યો હતો. જુલાઈ 2026માં સુપ્રીમ કોર્ટે બંનેની પરસ્પર સંમતિ અને સમજૂતીના આધારે તેમના લગ્નનો અંત લાવવાનો આદેશ આપ્યો હતો.
બીજી તરફ, નિધિ રાઝદાન (Nidhi Razdan)પણ અગાઉ લગ્ન કરી ચૂક્યાં છે. આમ, બંને માટે આ બીજાં લગ્ન છે.
