National News : સમાજવાદી પાર્ટીના (Samajwadi Party)વરિષ્ઠ નેતા આઝમ ખાન (Azam Khan)ની મુશ્કેલીઓમાં ફરી વધારો થયો છે. લગભગ 11 મહિના બાદ રામપુર જેલમાંથી પુત્ર અબ્દુલ્લા આઝમ સાથે બહાર આવેલા આઝમ ખાનની જેલના દરવાજે જ એન્ફોર્સમેન્ટ ડિરેક્ટોરેટએ ધરપકડ (ED Arrest)કરી હતી. ત્યારબાદ તેમને કોર્ટમાં રજૂ કરવામાં આવ્યા હતા, જ્યાં પીએમએલએ કોર્ટે 14 દિવસની ન્યાયિક કસ્ટડી (Judicial Custody)માં મોકલવાનો આદેશ આપ્યો હતો.
જેલમાંથી બહાર આવતાં જ EDની કાર્યવાહી
આઝમ ખાન (Azam Khan)અને તેમના પુત્ર અબ્દુલ્લા આઝમને પાનકાર્ડ સંબંધિત કેસમાં અલ્હાબાદ હાઈકોર્ટમાંથી રાહત મળી હતી. 29 ઓક્ટોબરે હાઈકોર્ટે બંનેની 10 વર્ષની સજા સ્થગિત કરીને જામીન આપ્યા હતા. આ પછી બંને રામપુર જેલમાંથી બહાર આવવાના હતા.
જોકે, આઝમ ખાન જેલના દરવાજાની બહાર આવ્યા કે તરત જ EDના અધિકારીઓએ તેમને અટકાવ્યા હતા. અધિકારીઓએ પહેલાં તેમની પૂછપરછ કરી અને ત્યારબાદ પોતાની સાથે વાહનમાં બેસાડીને લઈ ગયા હતા. બીજી તરફ, અબ્દુલ્લા આઝમ જેલમાંથી બહાર આવ્યા બાદ ઘરે જવા રવાના થયા હતા.
ED સાથેની વાતચીતમાં આઝમ ખાન ભાવુક થયા
જેલની બહાર EDના અધિકારીઓ સાથેની પૂછપરછ દરમિયાન આઝમ ખાન (Azam Khan)અને અધિકારીઓ વચ્ચે લાંબી ચર્ચા થઈ હતી. આ દરમિયાન આઝમ ખાને ભાવુક થઈને પોતાની નારાજગી વ્યક્ત કરી હતી.
તેમણે કહ્યું હતું કે, હવે કહેવા માટે શું બાકી રહ્યું છે? આ મુસ્લિમ હોવાની સજા છે. એક મુસ્લિમે યુનિવર્સિટી બનાવી એ જ ભૂલ છે અને એ જ અમારો ગુનો છે.
આ નિવેદન સાથે આઝમ ખાને (Azam Khan)પોતાની સામે થઈ રહેલી કાર્યવાહી અંગે નારાજગી વ્યક્ત કરી હતી.
જેલની બહાર સુરક્ષાનો ચુસ્ત બંદોબસ્ત
આઝમ ખાન જેલમાંથી બહાર આવે તે પહેલાં જ EDની એક ટીમ રામપુર જેલમાં પહોંચી હતી. તેમના આગમનને ધ્યાનમાં રાખીને સુરક્ષાની વ્યવસ્થા પણ વધારી દેવામાં આવી હતી. જેલ પરિસરમાં CRPFના 24 જવાનો તૈનાત કરવામાં આવ્યા હતા.
આઝમ ખાનની ધરપકડ બાદ EDએ તેમને કોર્ટમાં રજૂ કર્યા હતા. પીએમએલએ કોર્ટે (PMLA Court)તેમને 14 દિવસની ન્યાયિક કસ્ટડીમાં મોકલવાનો આદેશ આપ્યો છે. આમ, 11 મહિના બાદ જેલમાંથી મુક્ત થયેલા આઝમ ખાનને ફરી કાયદાકીય પ્રક્રિયાનો સામનો કરવો પડી રહ્યો છે.
