Alwar Havells Protest: દિવાળી ગિફ્ટમાં ચમચા અને વાટકા આપતા ભડક્યા

પ્રદર્શન કરી રહેલા મજૂરોનું કહેવું હતું કે દિવસ-રાત 12-12 કલાક તનતોડ મહેનત કરાવ્યા બાદ પણ દિવાળી બોનસ(Diwali Bonus)ના નામે મેનેજમેન્ટ તરફથી ખાલી વાટકા, ચમચી અને થાળી પકડાવી દેવાયા. કર્મચારીઓનો આરોપ છે કે મેનેજમેન્ટે દિવાળી ગિફ્ટમાં કંજૂસાઈની હદ પાર કરી નાખી.

અમારા ઘરમાં પહેલાથી વાસણ છે, અમારે હક જોઈએ

ભડકેલા કર્મચારીઓએ કહ્યું કે વાટકા-થાળી તો અમારા ઘરોમાં પહેલાથી છે. દિવાળીનો તહેવાર છે, પણ ન તો બોનસ મળ્યું, ન તો સારી કોઈ મીઠાઈ આપવામાં આવી. હેવેલ્સ ફેક્ટરી(Havells Factory)ના આ કર્મચારીઓ પોતાના હકની માંગ સાથે કંપની બહાર ધરણા પર બેઠા હતા.

એક હાજરી પડી તો 2 દિવસનો પગાર કાપતા

કર્મચારીઓએ ફેક્ટરીમાં ચાલી રહેલી સેલરી કાપ(Salary Cut)ની નીતિઓ પર પણ ગંભીર આરોપ લગાવ્યા છે. મજૂરોએ જણાવ્યું કે કોઈ કર્મચારી ડ્યૂટી પર ફક્ત 1 કલાક મોડા આવે તો પણ તેમની સીધી સેલરી કાપી લેવામાં આવતી હતી. એક દિવસની હાજરી ઓછી થવા પર ડાયરેક્ટ બે દિવસનો પગાર કાપી લેવાતો હતો.

હવે 8 કલાક જ કામ કરીશું

મેનેજમેન્ટના આવા વ્યવહારથી કંટાળેલા કર્મચારીઓએ સ્પષ્ટ ચેતવણી આપી છે કે હવે તેઓ કોઈ પણ હાલતમાં શોષણ સાંખી લેશે નહીં. મજૂરોએ એલાન કર્યું છે કે હવે તેઓ નિયમ અનુસાર ફક્ત 8 કલાક જ કામ કરશે અને દિવાળી બોનસ તથા અન્ય કાપને લઈને વિરોધ ચાલુ રાખશે. વર્કર્સ પ્રોટેસ્ટ(Workers Protest) અંગે કંપનીના એચઆર મેનેજર શક્તિ સિંહે કહ્યું કે તેમણે કર્મચારીઓને સમજાવવાનો પ્રયાસ કર્યો છે. મુખ્યત્વે બોનસનો મામલો છે, કંપનીના ઉચ્ચ સ્તરે વાત ચાલી રહી છે અને જલદી સમાધાન શોધી કાઢવામાં આવશે.

આ પણ વાંચો:દિવાળી પૂર્વે સરકારી કર્મીઓ આનંદો , વર્ગ-4નાં કર્મીઓ માટે સારા સમાચાર , રા.સરકાર આપશે રૂ.3500 દિવાળી બોનસ , નાણાં વિભાગે બહાર પાડયો ઠરાવ 
આ પણ વાંચો:મોદી સરકારની મોટી જાહેરાત, 30 લાખ સરકારી કર્મચારીઓને દિવાળી બોનસ મળશે
આ પણ વાંચો:સરકારે અનેક જાહેરાતોના ફટાકડાં ફોડ્યાં, ટોલ ટેક્સ માફ કર્યો, પાટીદારો પરના કેસો પાછા ખેંચાશે, દિવાળી બોનસની જાહેરાત કરાઇ