National News : NCP (SP)ના વડા અને મહારાષ્ટ્રના વરિષ્ઠ નેતા શરદ પવારની તબિયતને લઈને વડાપ્રધાન નરેન્દ્ર મોદી (PM Modi)એ તેમની સાથે વાતચીત કરી હતી. આ અંગે મહારાષ્ટ્રના નાયબ મુખ્યમંત્રી એકનાથ શિંદેએ પ્રતિક્રિયા આપતાં જણાવ્યું હતું કે, વડાપ્રધાન મોદીએ શરદ પવારના ખબરઅંતર પૂછ્યા હતા અને તેમને સંપૂર્ણ સ્વસ્થ ન થાય ત્યાં સુધી આરામ કરવાની સલાહ પણ આપી હતી.
એકનાથ શિંદેએ કહ્યું કે, વડાપ્રધાન નરેન્દ્ર મોદી (PM Modi)એ શરદ પવાર સાથે કરેલી વાતચીતમાં કંઈ ખાસ નહોતું. તેમણે માત્ર તેમની તબિયત વિશે પૂછ્યું હતું અને આરામ કરવાની સલાહ આપી હતી. એકનાથ શિંદેએ (Eknath Shinde)વધુમાં જણાવ્યું કે, આવા સમયે વડાપ્રધાન પોતાના રાજકીય મતભેદોને બાજુ પર રાખીને લોકોની સાથે ઊભા રહેવાનો નિર્ણય લે છે, જે તેમની ઉદારતા અને વિશાળ હૃદય દર્શાવે છે.
PM Modi : રાજકીય મતભેદો બાજુ પર રાખીને કરી વાત
એકનાથ શિંદેના જણાવ્યા અનુસાર, વડાપ્રધાન મોદીએ શરદ પવાર (Sharad Pawar)ને સંપૂર્ણ સ્વસ્થ ન થાય ત્યાં સુધી આરામ કરવાની વિનંતી કરી હતી. તેમણે કહ્યું કે, શરદ પવારનું માર્ગદર્શન દરેક માટે ખૂબ જ મૂલ્યવાન છે. તેથી તેઓ ઝડપથી કામ પર પાછા ફરવાની ઉતાવળ ન કરે અને પહેલા પોતાની તબિયતનું ધ્યાન રાખે તે જરૂરી છે.
હોસ્પિટલમાંથી રજા લેવામાં ઉતાવળ ન કરવાની સલાહ
એકનાથ શિંદે (Eknath Shinde)એ પણ શરદ પવારને હોસ્પિટલમાંથી રજા મેળવવામાં ઉતાવળ ન કરવાની સલાહ આપી હતી. તેમણે જણાવ્યું કે, શરદ પવારે થોડો સમય આરામ કરવો જોઈએ અને સંપૂર્ણપણે સ્વસ્થ થયા બાદ જ ફરીથી પોતાની કામગીરી શરૂ કરવી જોઈએ.
શરદ પવારનું માર્ગદર્શન મહત્વનું: એકનાથ શિંદે
શિંદેએ વધુમાં જણાવ્યું કે, શરદ પવાર (Sharad Pawar)નો રાજકીય અને જાહેર જીવનનો અનુભવ ખૂબ જ મહત્વપૂર્ણ છે. તેમનું માર્ગદર્શન દરેક માટે ઉપયોગી છે. આથી હાલ તેમની પ્રાથમિકતા સ્વાસ્થ્ય હોવી જોઈએ. સંપૂર્ણ સ્વસ્થ થયા બાદ જ તેમણે ફરી સક્રિય થવું જોઈએ.
