National News : કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેના દિવાળી અંગેના એક નિવેદનથી (Kharge Diwali Statement)રાજકીય વિવાદ શરૂ થયો છે. દિવાળીની શુભેચ્છા પાઠવતી વખતે ખડગેએ આ તહેવારને ‘ખુશીઓની ઈદ’ ગણાવ્યો (Diwali Eid Controversy)હતો. તેમના આ નિવેદન બાદ ભાજપે કોંગ્રેસ પર તુષ્ટિકરણની રાજનીતિ કરવાનો અને સનાતન (Sanatan Dharma)વિરોધી માનસિકતા ધરાવવાનો આરોપ લગાવ્યો છે. બીજી તરફ કોંગ્રેસના નેતાઓએ ખડગેના નિવેદનનો બચાવ કર્યો છે.
Kharge Diwali Statement પર ભાજપનો વિરોધ
દિવાળીના પર્વ નિમિત્તે દેશભરમાં ઉત્સાહ અને ઉમંગ સાથે ઉજવણી કરવામાં આવી હતી. રાષ્ટ્રપતિ દ્રૌપદી મુર્મુ અને વડાપ્રધાન નરેન્દ્ર મોદી સહિત અનેક રાજકીય આગેવાનોએ દેશવાસીઓને શુભેચ્છાઓ પાઠવી હતી. આ દરમિયાન કોંગ્રેસ અધ્યક્ષ મલ્લિકાર્જુન ખડગે (Mallikarjun Kharge)ના નિવેદને (Kharge Diwali Statement)રાજકીય ચર્ચા જગાવી હતી.
ખડગેએ દિવાળીની શુભેચ્છા પાઠવતાં કહ્યું હતું કે, દિવાળી ભારતમાં દરેક વ્યક્તિ દ્વારા ઉજવવામાં આવતો મોટો તહેવાર છે. આ તહેવારનું મહત્વ ખુશીઓ સાથે જોડાયેલું છે. તેમણે દિવાળીને ‘ખુશીઓની ઈદ’ ગણાવી હતી અને કહ્યું હતું કે આ એવો તહેવાર છે, જે લાંબા સમય સુધી ચાલે છે. લોકો શાંતિથી રહેવા અને પોતાના પરિવારજનો તથા સ્વજનોને મળવા માટે આ સારો અવસર છે.
ભાજપે કોંગ્રેસની નીતિઓને સનાતન વિરોધી ગણાવી
ખડગેના નિવેદન બાદ ભાજપે કોંગ્રેસ પર નિશાન સાધ્યું હતું. ભાજપના પ્રવક્તા પ્રદીપ ભંડારીએ કહ્યું કે દિવાળી જેવા પવિત્ર તહેવારના પ્રસંગે પણ કોંગ્રેસ વોટબેંકની રાજનીતિ કરી રહી છે. તેમણે ખડગે દ્વારા દિવાળીને ‘ખુશીઓની ઈદ’ (Diwali Eid Controversy)કહેવા સામે વાંધો ઉઠાવ્યો હતો.
પ્રદીપ ભંડારીએ સોશિયલ મીડિયા પર કોંગ્રેસની નીતિઓની ટીકા કરતાં કહ્યું કે સોનિયા ગાંધીથી લઈને કોંગ્રેસના વર્તમાન નેતૃત્વ સુધી સનાતન ધર્મ પ્રત્યે વિરોધી વલણ જોવા મળે છે. તેમણે અગાઉ સનાતન ધર્મ અંગે કરવામાં આવેલી વિવાદાસ્પદ ટિપ્પણીઓનો ઉલ્લેખ કરીને કોંગ્રેસ પર હિન્દુ વિરોધી રાજનીતિ કરવાનો આરોપ લગાવ્યો હતો.
દિગ્વિજય સિંહના નિવેદનનો પણ ઉલ્લેખ
ભાજપે આ વિવાદમાં કોંગ્રેસના વરિષ્ઠ નેતા દિગ્વિજય સિંહના અગાઉના નિવેદનનો પણ ઉલ્લેખ કર્યો હતો. દિગ્વિજય સિંહે હિન્દુત્વ અંગે કરેલી ટિપ્પણીને લઈને પણ રાજકીય માહોલ ગરમાયો હતો. ભાજપનું કહેવું છે કે કોંગ્રેસના નેતાઓ વારંવાર સનાતન ધર્મ (Sanatan Dharma)અને હિન્દુત્વ અંગે વિવાદાસ્પદ નિવેદનો આપે છે.
રાશિદ અલ્વીએ ખડગેના નિવેદનનો કર્યો બચાવ
બીજી તરફ કોંગ્રેસના નેતા રાશિદ અલ્વીએ (Rashid Alvi Statement)ખડગેના નિવેદનનો બચાવ કર્યો હતો. તેમણે કહ્યું કે ખુશી વ્યક્ત કરવા માટે ઈદનું ઉદાહરણ આપવામાં આવે છે. લાંબા સમય પછી કોઈ વ્યક્તિ મળે ત્યારે ‘ઈદનો ચાંદ બની ગયા છો’ જેવા શબ્દોનો ઉપયોગ કરવામાં આવે છે.
અલ્વીએ વધુમાં કહ્યું કે મલ્લિકાર્જુન ખડગે (Mallikarjun Kharge)એ આવું નિવેદન આપ્યું હોય તો તે તેમની ધર્મનિરપેક્ષ વિચારસરણી દર્શાવે છે. તેમણે દિવાળી અને ઈદ બંને ખુશીના તહેવારો હોવાનું જણાવ્યું હતું. જોકે, તેમણે ઈદ દરમિયાન AQI એટલે કે હવાની ગુણવત્તા સૂચકાંક વધતો નથી તેવી ટિપ્પણી કરીને ફરી એકવાર ચર્ચા જગાવી હતી.
આ રીતે દિવાળીની શુભેચ્છા સાથે શરૂ થયેલો મામલો હવે ભાજપ અને કોંગ્રેસ વચ્ચેના રાજકીય વાકયુદ્ધમાં ફેરવાયો છે.
