Ahmedabad News: અમદાવાદના શાહપુર વિસ્તારમાં એક્ટિવા અથડાવાની જૂની અદાવતમાં બે યુવકો પર છરી વડે (Ahmedabad Shahpur Knife Attack) હુમલો થયાની ઘટના સામે આવી છે. શાહપુર દરવાજા બહાર આવેલા લકી પાન પાર્લર સામે થોડા દિવસ પહેલાં થયેલી બોલાચાલીનો ખાર રાખીને રાહુલ વછેટા સહિત ચાર શખસોએ સુમિત વાઘેલા અને તેના મિત્ર પર હુમલો કર્યો હોવાનો આક્ષેપ છે. આ મામલે માધવપુરા પોલીસે ચારેય સામે હત્યાના પ્રયાસ સહિતની કલમો હેઠળ ગુનો નોંધી તપાસ શરૂ કરી છે.
Ahmedabad Shahpur Knife Attack: એક્ટિવા અથડાવાની બાબતે થઈ હતી બોલાચાલી
ફરિયાદ મુજબ, થોડા દિવસ પહેલાં શાહપુર દરવાજા બહાર લકી પાન પાર્લર સામે વાહન ચલાવવા દરમિયાન એક્ટિવા અથડાવાની બાબતે બોલાચાલી થઈ હતી. તે સમયે મામલો થાળે પડી ગયો હતો, પરંતુ આ ઘટનાની અદાવત રાખીને હુમલો કરવામાં આવ્યો હોવાનો આક્ષેપ છે.
સુમિત અને તેના મિત્ર પર છરીથી હુમલો
આક્ષેપ મુજબ, રાહુલ વછેટા સહિત ચાર શખસોએ ભેગા થઈ સુમિત વાઘેલા અને તેના મિત્ર પર હુમલો કર્યો હતો. બોલાચાલી ઉગ્ર બનતાં શખસોએ છરી વડે બંને યુવકોને ઘા ઝીંક્યા હતા. હુમલામાં બંને યુવકો ગંભીર રીતે ઇજાગ્રસ્ત થતાં તેમને તાત્કાલિક સારવાર માટે હોસ્પિટલ ખસેડવામાં આવ્યા હતા.
ચાર શખસો સામે હત્યાના પ્રયાસનો ગુનો
ઘટના અંગે ભોગ બનનાર પક્ષે માધવપુરા પોલીસ સ્ટેશનમાં ફરિયાદ નોંધાવી છે. પોલીસે રાહુલ વછેટા, તુષાર, મેહુલ અને રોહિત નામના ચાર શખસો સામે હત્યાના પ્રયાસ સહિતની કલમો હેઠળ ગુનો નોંધી તપાસ હાથ ધરી છે. ફરાર આરોપીઓને ઝડપી પાડવા માટે પોલીસ દ્વારા કાર્યવાહી કરવામાં આવી રહી છે.
