iPhoneના યુઝર્સ માટે વધુ એક મુશ્કેલી ઉભી થઇ ગઈ છે. iOS 11માં એક એવું બગ મળ્યું છે કે જે તેલુગુ ભાષાનો બગ છે. આ બગએ iPhoneને ક્રેશ કરી દે છે અને ત્યારબાદ જે એપમાં આ બગનો મેસેજ આવ્યો હોય તે એપ એક્સેસ કરી શકાતી નથી.
આ બગના લીધે વોટ્સએપ, ફેસબુક મેસેન્જર, આઉટ લુક અને જીમેઈલ પણ બંધ થઇ શકે છે.
ચોંકાવનારી વાત એ છે કે, આ બગ એ ભારતીય ભાષા તેલુગુનો એક શબ્દ છે. જો આ શબ્દવાળું બગ એ iPhone પર મેસેજ કરીને મોકલવામાં આવે તો સામે વાળા વ્યક્તિનો આખો ફોન ક્રેશ થઇ જાય છે. તેટલું જ નહિ પણ આ બગના મેસેજને તમે ડીલીટ પણ નહિ કરી શકો.
ગયા વર્ષે પણ iPhone એક URLના લીધે આવી જ મુશ્કેલીનો સામનો કરવો પડ્યો હતો.
ક્રેશ થયેલ iPhoneને ફોનના સેટિંગમાં જઈને ફોન રીસેટ કરવાથી ફોન એક્સેસ થઇ જાય છે અને ફોન એક્સેસ કરવાનો બીજો રસ્તો એ છે કે iOS 11.3 વર્ઝન અપડેટ કરવાથી પણ ફોન ચાલુ થઇ જશે.
