ભોપાલ
મધ્ય પ્રદેશના ભોપાલમાં એક તરફી પ્રેમમાં પાગલ પ્રેમીએ એક મોડલને તેના જ ઘરમાં બંધક બનાવી દીધી.આ પ્રેમીએ જાત જાતની ધમકીઓ આપીને ભોપાલ પોલીસની ઊંઘ ખરાબ કરી નાખી હતી.
ભોપાલના મિસરોધ સ્થિત એક એપાર્ટમેન્ટના પાંચમા માળે અલીગઢના રોહિત કુમાર સિંહ નામના યુવકે એક યુવતીને બંધક બનાવી લીધી હતી.
We have rescued the girl, her condition is stable, she has been sent for medical treatment. The man (who held her hostage) has also been sent for medical treatment: Police on girl held hostage by a man at her house in Madhya Pradesh's Bhopal pic.twitter.com/VyrH0svqWZ
— ANI (@ANI) July 13, 2018
પોલીસે દખલ દેવાની કોશિશ કરી તો તેણે ધમકી આપી હતી. આ દરમિયાન પોલીસે જોયું તો યુવતી લોહીથી લથપથ હતી.
પોલીસના જણાવ્યા મુજબ આ મામલો એક તરફી પ્રેમનો હતો.આરોપીએ પીડિતાને પાંચમા માળે તેના જ ફ્લેટમાં કેદ કરી દીધી હતી. પોલીસે રેસ્ક્યુ ઑપરેશનમાં ક્રેઇનની પણ મદદ લીધી હતી. યુવકે ધમકી આપ્યા બાદ પોલીસે એક બાલટી દ્વારા જરૂરી સામગ્રી પહોંચાડી હતી. યુવક પોતાને કાસ્ટિંગ આસિસ્ટન્ટ ડિરેક્ટર કહે છે. આ યુવકને વીડિયો કૉલ દ્વારા મીડિયા સાથે વાત કરી કહ્યું હતું કે, તે ગુરુવારે રાતે સાડા અગિયાર વાગ્યાથી ફ્લેટમાં છે. પરિવાર કહે છે કે, તે સાંજે સાત વાગ્યે રૂમમાં ઘૂસ્યો હતો.
જોકે 20 કલાકની ભારે જહેમત બાદ પોલીસ મોડલને આ વિકૃત પ્રકારના યુવકની ચુંગાલમાંથી બચાવવામાં સફળ રહી છે. જ્યારે યુવતીને બંધક બનાવનારા યુવકની પોલીસે ધરપકડ કરી તેને પણ મેડિકલ તપાસ માટે મોકલ્યો છે.
