દિલ્હી: દિલ્હી મહિલા આયોગે એક મોટી કાર્યવાહી કરીને મુનિરકા વિસ્તારમાંથી ૧૬ નેપાળી છોકરીઓને બચાવી લેવામાં આવી છે. આ છોકરીઓને નેપાળથી તસ્કરી કરીને લાવવામાં આવી હતી. જો કે આ મામલે હાલમાં તપાસ કરવામાં આવી રહી છે.
દિલ્હી મહિલા આયોગની અધ્યક્ષ સ્વાતિ માલીવાલે મંગળવારે મોડી રાત્રે મુનિરકા વિસ્તારમાં દરોડો પાડ્યો હતો. આ દરોડામાં સ્વાતિ માલીવાલ અને તેની ટીમે ૧૬ છોકરીઓને કબજે લીધી હતી.
કહેવાય રહ્યું છે કે, આ સમગ્ર ઘટનાક્રમ મોડી રાતના 1.30 કલાકે બની હતી. દિલ્હી મહિલા આયોગના અધ્યક્ષ સ્વાતિ માલીવાલે જે છોકરીઓની રેસ્ક્યુ કરવામાં આવી છે તે તમામ છોકરીઓ નેપાળની રહેવા વાળી હતી. આ તમામ છોકરીઓને લલચાવી- ફોસલાવીને નેપાળથી ભારત લાવવામાં આવી હતી.
#DelhiCommissionForWomen led by @SwatiJaiHind rescued 16 Nepalese girls, early morning today from #Delhi’s Munirka area, after a tip-off. The girls were allegedly, about to be trafficked to Gulf countries. pic.twitter.com/jAnnWdYhe5
— Mohit Sharma (@iMohit_Sharma) July 25, 2018
પ્રાથમિક તપાસમાં બહાર આવ્યું છે કે, આ છોકરીઓને અહિયાંથી કુવૈત અને ઈરાક મોકલવા માટેની તૈયારી કરવામાં આવી હતી. તેમના પાસપોર્ટ દલાલોએ લઈ લીધા હતા. એક નાના રૂમમાં આ તમામ ૧૬ છોકરીઓને બંધ કરીને રાખવામાં આવી હતી. એટલું જ નહીં, આ ખેલ છેલ્લા આઠ મહિનાથી ચાલી રહ્યો હતો.
અત્રે ઉલ્લેખનીય છે કે, સાત છોકરીઓને ૧૫ દિવસ અગાઉ જ કુવૈત અને ઈરાક મોકલવામાં આવી હતી.
