કાશ્મીરપાકિસ્તાન દ્વારા સતત શસ્ત્રવિરામ ભંગનો ભારતીય સુરક્ષા દળો યોગ્ય જવાબ આપી રહ્યા છે. દિવસેને દિવસે ઘાંઘુ થેલું પાકિસ્તાન યેન કેન પ્રકારે આતંકીની ભારતની સીમામાં ધુસાડવાનાં નાકામ પ્રયાસો કરી રહ્યું છે.આવા જ પાકનાં ના-પાક પ્રયાસમાં જમ્મુ-કાશ્મીરનાં રામપુર સેક્ટરમાં પાકિસ્તાને ફરી યુદ્ધ વિરામનું ઉલ્લંઘન કર્યુ હતું. પાકિસ્તના તરફથી કરવામાં આવેલા આંધાધૂંધ ફાયરીંગમાં સેનાનાં એક જવાન શહીદ થયા છે. ભારતીય સેના દ્વારા યુદ્ધ વિરામનું ઉલ્લંઘનનો પાકને જડબાતોડ જવાબ આપવામાં આવ્યો હતો.

ભારતીય સેનાએ નીલમ વેલી વિસ્તાર અને લિપા ખીણમાં જૈશ-એ-મોહમ્મદના લોંચિંગ પેડને નષ્ટ કરીને જબરદસ્ત કાર્યવાહી કરીને પાકિસ્તાની સેનાને જવાબ આપ્યો . આ સાથે ત્રણ પાકિસ્તાની ફોરવર્ડ પોસ્ટ્સ પણ નાશ પામી ગઈ છે. કહેવાય છે કે ભારતીય સેના દ્વારા કરવામાં આવેલી આ કાર્યવાહીમાં ઘણા આતંકવાદીઓ માર્યા ગયા છે.

સેનાના સૂત્રોના જણાવ્યા અનુસાર, પીઓકેની લિપા વેલીમાં જૈશ-એ-મોહમ્મદનો લોંચિંગ પેડ એમ 4 નાશ પામ્યો છે. આ ક્રિયામાં જૈશને ઘણું સહન કરવું પડ્યું છે. સૂત્રો દ્વારા મળતી માહિતી પ્રમાણે સેનાની આ કાર્યવાહીમાં ઘણા આતંકવાદીઓ માર્યા ગયા છે. તે જ સમયે, નીલમ ખીણની ત્રણ ફોરવર્ડ પોસ્ટ્સનો નાશ કરવામાં આવ્યો છે. આ ચોકીઓની મદદથી, પાકિસ્તાનમાં બેઠેલા આતંકવાદીઓને ભારત ઘુસણખોરી માટે મોકલવામાં આવ્યા હતા.

ઉલ્લેખનીય છે કે પાકિસ્તાન દ્વારા સતત યુદ્ધ વિરામનું ઉલ્લંઘન કરવામાં આવી રહ્યું છે. શનિવારે રાત્રે, પાકિસ્તાને ભારતીય સૈન્યની પોસ્ટ્સને નિશાન બનાવીને, કાશ્મીરના ઉરી સેક્ટરમાં એલઓસી પર ભારે ગોળીબાર કર્યો હતો. પાકિસ્તાને કરેલા ફાયરિંગમાં સેનાનો સૈનિક સંતોષ ગોપ શહીદ થયા હતા. શહીદ સૈનિક ઝારખંડનો રહેવાસી હતા.