દેશમાં મહિલાઓ પર જાતીય શોષણ અટકવાનું નામ નથી લઈ રહ્યું. ગયા વર્ષે મીટુ અભિયાન દ્વારા, ઘણી મહિલાઓએ જાતીય દુર્વ્યવહારને આખી દુનિયા સામે ખુલ્લો મૂક્યો હતો, જેમાં ઘણા મોટા ચહેરાઓ સામે આવ્યા હતા. હવે કોલકાતાના પ્રખ્યાત ફિલ્મ નિર્માતા અને અભિનેતા સુદીપ્તો ચેતર્જી પર એક વિદ્યાર્થીએ બળાત્કારનો આરોપ લગાવ્યો છે.
વિદ્યાર્થી મુજબ ફિલ્મ નિર્માતા ઘણા મહિનાઓથી તેની સાથે બળાત્કાર ગુજારતો હતો. આ મામલે પોલીસે વ્યક્તિની ધરપકડ કરી છે. જો અહેવાલો પર વિશ્વાસ કરવામાં આવે તો આરોપી ફિલ્મ નિર્માતાએ પણ પોતાનો ગુનો કબૂલ કર્યો છે.
આપને જાણવી દઈએ કે પીડિત વિદ્યાર્થીએ સોશિયલ મીડિયા સાઇટની મદદ લીધી હતી અને પોતાની સાથે કથિત ગુના અંગે ફરિયાદ નોંધાવી હતી. તેની લાંબી પોસ્ટ દ્વારા વિદ્યાર્થીએ જણાવ્યું હતું કે રિહર્સલ દરમિયાન ખરેખર સુદીપ્તો દ્વારા યુવતીને જાતીય સતામણી સહન કરવી પડી હતી.
આ કેસ વિશે કોલકાતા પોલીસના વરિષ્ઠ અધિકારીએ જણાવ્યું હતું કે, ‘પીડિતાએ આરોપ લગાવ્યો છે કે ગયા વર્ષે ડિસેમ્બરથી અત્યાર સુધી અભિનયની રિહર્સલ દરમિયાન આરોપીએ તેની સાથે ઘણી વખત બળાત્કાર ગુજાર્યો હતો. અમે ફિલ્મ નિર્માતાની ધરપકડ કરી છે અને તપાસ શરૂ કરી છે.
પોલીસે પહેલા આરોપીની સાંજે ફુલબાગાન સ્થિત તેના ઘરેથી ધરપકડ કરી હતી. અધિકારીએ જણાવ્યું કે પૂછપરછ દરમિયાન આરોપી ફિલ્મ નિર્માતા સુદીપ્તોએ ગુનો કબૂલ કર્યો હતો. આટલું જ નહીં, થિયેટર જૂથની અન્ય એક મહિલા સભ્યએ પણ શુક્રવારે ફિલ્મ નિર્માતા સામે બળાત્કારની ફરિયાદ નોંધાવી છે.
નીચે આપેલી લીંક પર ક્લિક કરીને જોડાવો મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
