કોરોનાવાયરસથી અત્યાર સુધીમાં સમગ્ર વિશ્વમાં 17387 લોકો બિમાર થઇ ચૂક્યા છે. જ્યારે આ ચેપગ્રસ્ત લોકોમાંથી 17205 ફક્ત ચીનમાં જ છે. કોરોનાવાયરસને કારણે અત્યાર સુધીમાં 362 લોકોનાં મોત નીપજ્યાં છે. વધતા દર્દીઓને જોતા ચીને 10 દિવસ પહેલા વુહાનમાં અસ્થાયી હોસ્પિટલ બનાવવાનું કામ શરૂ કર્યું હતું. જે હવે પૂર્ણ થઈ ગઈ છે. તે એક અજાયબી છે કે કોઈ દેશ આટલા ટૂંકા સમયમાં આટલી મોટી હોસ્પિટલ બનાવી શકે છે.
ચીનમાં જ અત્યાર સુધીમાં કોરોનાવાયરસથી મૃત્યુ પામેલા લોકોની સંખ્યા 231 પર પહોંચી ગઈ છે. જ્યારે, કુલ ચેપગ્રસ્ત લોકોમાંથી 344 લોકો ખૂબ ગંભીર છે. 980 લોકોની હાલત ગંભીર છે. 7824 લોકો પર નજર રાખવામાં આવી રહી છે. આ લોકો હોસ્પિટલોમાં ડોકટરોની દેખરેખ હેઠળ છે. આ હોસ્પિટલની ડિઝાઇન સાર્સ સામે લડવા માટે 2003 માં બેઇજિંગમાં બંધાયેલી અસ્થાઈ હોસ્પિટલની સમાન છે. ચીને આ હોસ્પિટલ બનાવવા માટે દેશભરનાં એન્જનિયરોને વુહાન બોલાવ્યા હતા.
વુહાનનાં હોઉશેનશાનમાં બનેલી આ 1000 બેડની હોસ્પિટલમાં 4 ફેબ્રુઆરીથી દર્દીઓની સારવાર શરૂ થશે. આ સમગ્ર હોસ્પિટલ આશરે 2,69,000 ચોરસ ફૂટનાં વિસ્તારમાં બનાવવામાં આવી છે. જેની અંદર, ચીની સેના પીપલ્સ લિબરેશન આર્મીનાં 1400 તબીબી કર્મચારી પણ કાર્યરત છે. આ નવી હોસ્પિટલની કમાન ચીની સેના સંભાળશે. આ હોસ્પિટલમાં દવાઓ, તબીબી ઉપકરણો, માસ્ક વગેરેની જે પણ જરૂરિયાત છે તે સીધા ફેક્ટરીઓમાંથી મંગાવવામાં આવશે. આ માટે, હોસ્પિટલ મેનેજમેન્ટને સત્તાઓ આપવામાં આવી છે જેથી તેઓ આ બાબતો માટે ફેક્ટરીઓને સીધો ઓર્ડર આપી ખરીદ-વેચાણ કરી શકે.
વુહાન શહેર હજી પણ સંપૂર્ણપણે બંધ છે. રસ્તાઓ ખાલી છે. સરકારી કચેરીઓ, કોલેજો, શાળાઓ તમામ બંધ છે. 1.10 કરોડની વસ્તી ધરાવતા આ શહેરમાં કોરોનાવાયરસમાં સૌથી વધુ લોકો સંક્રમિત છે. અહીં સૌથી વધુ મોત પણ થયા છે. નોંધપાત્ર વાત એ છે કે, અત્યાર સુધી 25 દેશોનાં લોકો કોરોનાવાયરસનાં શિકાર બની ચૂક્યા છે. મેડિકલ જર્નલ લેન્સેટનાં જણાવ્યા અનુસાર એકલા વુહાનમાં 75,800 લોકોને આ રોગનો ચેપ લાગી શકે છે. જો કે, ચીની સરકાર કહી રહી છે કે વુહાનમાં ફક્ત 2639 લોકોને ચેપ લાગ્યો છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
