કોરોનાવાયરસ ચેપથી વિશ્વભરમાં 2.75 લાખથી વધુ લોકો માર્યા ગયા છે. આ આંકડો ગયા વર્ષે ચીનમાં સંક્રમણ શરૂ થયો ત્યારથી અત્યાર સુધીનો છે. એએફપી ટેલીનાં જણાવ્યા અનુસાર, શનિવારની સાંજ સુધીનાં આંકડા મુજબ મૃત્યુ પામેલા લોકોમાંથી 85 ટકા લોકો યુરોપ અને અમેરિકાનાં છે.

અત્યાર સુધીમાં, કુલ 39,55,631 કોરોના પોઝિટિવ કેસ નોંધાયા છે, જેમાંના કુલ 2,75,018 લોકો મૃત્યુ પામ્યા છે. શુક્રવાર સુધીમાં, વિશ્વભરમાં 38,77,772 પોઝિટિવ કેસ હતા અને 2,70,927 દર્દીઓ મૃત્યુ પામ્યા હતા.

યુરોપ એ કોરોનાથી સૌથી વધુ અસરગ્રસ્ત ખંડ છે, જેમાં 16,99,566 કેસ છે અને 1,54,313 લોકોએ પોતાનો જીવ ગુમાવ્યો છે. અમેરિકા એ દેશ છે જ્યા આ વાયરસનાં કારણે સૌથી વધુ મોત થયા છે. અહીં 77,280 લોકો મોતને ભેટી ચુક્યા છે. આ પછી બ્રિટનમાં 31,241, ઇટાલીમાં 30,201, સ્પેનમાં 26,478 અને ફ્રાન્સમાં 26,230 લોકો મૃત્યુ પામ્યા હતા.

શુક્રવાર સુધીનાં આંકડા મુજબ, સૌથી વધુ અસરગ્રસ્ત ખંડ યુરોપમાં 16,78,485 કેસ અને 1,53,367 લોકોનાં મોત થયાં છે. ગઈકાલ સુધીમાં, યુ.એસ. માં 75,781, બ્રિટનમાં 31,241, ઇટાલીમાં 30,201, સ્પેનમાં 26,299 અને ફ્રાન્સમાં 25,987 લોકો મૃત્યુ પામ્યા હતા.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.