મંગળવારે યુએસ રાષ્ટ્રપતિ ડોનાલ્ડ ટ્રમ્પ સાથે ટેલિફોનિક વાતચીતમાં વડા પ્રધાન નરેન્દ્ર મોદીને ચીન પ્રત્યેનાં સામૂહિક વલણ અંગે ચર્ચા કરવા વિસ્તૃત G-7 નો ભાગ બનવાનો પ્રસ્તાવ સ્વીકાર્યો છે. G-7 એ વિશ્વનાં સૌથી શક્તિશાળી દેશોનો જૂથ છે. ટ્રમ્પે સપ્તાહની શરૂઆતમાં G-7 બેઠક સપ્ટેમ્બર સુધી મુલતવી રાખવાનો નિર્ણય કર્યો અને ચીનનાં ભવિષ્યને લઇને એક યોજના પર ચર્ચા માટે ભારત, રશિયા, ઓસ્ટ્રેલિયા અને દક્ષિણ કોરિયાને આમંત્રણ આપવાનો નિર્ણય લીધો.

કોરોના વાયરસ રોગચાળો ફાટી નીકળ્યો ત્યારથી યુ.એસ. અને ચીન વચ્ચે તણાવની સ્થિતિ બની રહી છે. કોરોનાવાયરસનો જન્મ વુહાનમાં થયો હતો. પૂર્વ લદ્દાખમાં એલએસી પર ભારત અને ચીન વચ્ચે ચાલી રહેલા વિવાદને ધ્યાનમાં રાખીને બંને નેતાઓ વચ્ચેની આ ફોન વાતચીત મહત્વપૂર્ણ માનવામાં આવે છે. તેમ છતાં ટ્રમ્પે બંને એશિયન સૈન્ય વચ્ચેનાં હિંસક અંતરાયના સમાધાન માટે મધ્યસ્થીની ઓફર કરી હતી, પરંતુ ભારત અને ચીન તરફથી મધ્યસ્થાને લઇને ઓફરને અસ્વીકાર કરવામાં આવ્યો હતો. ભારત અને ચીન બંને આ મુદ્દાને હલ કરવા માટે રાજદ્વારી ચેનલોનો ઉપયોગ કરીને વાટાઘાટો કરી રહ્યા છે. જોકે ગયા અઠવાડિયે ટ્રમ્પે કહ્યું હતું કે મોદી વર્તમાન સરહદ વિવાદ અંગે શી જિનપિંગનાં વહીવટથી ખુશ નથી. વિદેશ મંત્રાલયે મંગળવારે એક સત્તાવાર નિવેદનમાં કહ્યું કે PM મોદીની ટ્રમ્પ સાથે ટેલિફોન વાતચીત થઈ છે.

ફોનની વાતચીત દરમિયાન ટ્રમ્પે G-7 ની યુ.એસ.નાં અધ્યક્ષપદ વિશે વાત કરી હતી અને ભારત સહિતનાં મહત્વનાં દેશોને સમાવવા માટે જૂથની હાલની સભ્યપદ વિસ્તૃત કરવાની ઇચ્છા વ્યક્ત કરી હતી. નિવેદનમાં કહેવામાં આવ્યું છે કે, “આ સંદર્ભમાં તેમણે વડા પ્રધાન મોદીને અમેરિકામાં યોજાનારી આગામી G-7 સમિટમાં ભાગ લેવા આમંત્રણ આપ્યું છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.