ભારત અને ચીન વચ્ચેનાં વિવાદ અંગે હજુ સુધી કોઈ નરમાઈ થઈ નથી. ભારતે કેટલાક મુખ્ય સહયોગી દેશોને કહ્યું છે કે જો ચીન વ્યૂહાત્મક રીતે મહત્વપૂર્ણ ક્ષેત્રોથી આગળ નહીં વધે તો સંઘર્ષ ફરીથી થઈ શકે છે. સુત્રોએ જણાવ્યું હતું કે, “ચાઇના મુદ્દે અમેરિકા સહિત કેટલાક મુખ્ય સહયોગી દેશો સાથેની વાટાઘાટો એ મહત્વપૂર્ણ મુદ્દાઓ પર મૈત્રીપૂર્ણ દેશોને અપડેટ કરવાની ભારતની રણનીતિનો એક ભાગ છે. મધ્યસ્થીથી તેનો કોઈ સંબંધ નથી.”
સુત્રો એમ પણ કહે છે કે ભારત પાસે મર્યાદિત વિકલ્પો છે. અમારી તરફથી કોઈ ઘૂસણખોરી થઈ નથી, પરંતુ ચીની સૈનિકો આવા વિસ્તારોમાં ભેગા થાય છે જે અમારા માટે ખૂબ મહત્વના છે અને તે ચીનની ભૂમિ નથી. ખાસ કરીને સુત્ર પૈંગોંગ વિસ્તારમાં તણાવ તરફ ધ્યાન દોરી રહ્યા છે. ભારત તરફથી સ્પષ્ટ માંગ છે કે ચીન પીછેહઠ કરે.
સુત્રોએ જણાવ્યું હતું કે, જો ચીની સૈન્ય ત્યાંથી પાછા નહીં હઠે તો ભારતે મજબૂરી હેઠળ કેટલાક પગલા ભરવાના રહેશે. તે પગલાં શું હશે તેના પર સુત્ર તરફથી કોઇ ખુલાસો થયો નથી. સુત્રોએ જણાવ્યું હતું કે, ચીન સાથેની બેકડોર ડિપ્લોમેસીમાં ભારતે માત્ર પોતાનો પક્ષ મજબૂત રીતે રાખ્યો નથી, પરંતુ ચીનને પણ ભારપૂર્વક કહ્યું છે કે તેણે કેવી રીતે પરસ્પર કરાર તોડ્યો છે. આના સંભવિત પરિણામો દૂર સુધી પહોંચી શકે તેવું ભારતીય પક્ષે પણ સ્પષ્ટ કર્યું છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
