ભારતીય ક્રિકેટ બોર્ડ (બીસીસીઆઈ)ના અધ્યક્ષ સૌરવ ગાંગુલીએ રવિવારે કહ્યું હતું કે વિમેન્સ ઈન્ડિયન પ્રીમિયર લીગ (આઈપીએલ) યોજવાની સંપૂર્ણ યોજના છે. જેને લઈને હરમનપ્રીત કૌરની આગેવાનીવાળી ટીમ માટે કોઈ સ્થાન નથી જેવી અટકળો પર પૂર્ણ વિરામ મુકાઇ ગયું છે.
મહિલા આઈપીએલ ચેલેન્જર સિરીઝ તરીકે ઓળખાય છે. ભારતમાં કોરોના વાયરસના વધતા જતા કેસોને જોતા, 19 સપ્ટેમ્બરથી 8 અથવા 10 નવેમ્બર દરમિયાન યુએઈમાં પુરૂષ આઈપીએલ યોજાવાની છે (અંતિમ તારીખ હજી નક્કી નથી થઈ). બીસીસીઆઈના વડા અનુસાર, કાર્યક્રમમાં મહિલા આઈપીએલને પણ સ્થાન આપવામાં આવશે.
રવિવારે આઈપીએલ ગવર્નિંગ કાઉન્સિલની બેઠક પૂર્વે ગાંગુલીએ જણાવ્યુ હતું કે, “હું તમને પુષ્ટિ આપી શકું છું કે મહિલાઓની આઈપીએલની સંપૂર્ણ યોજના છે અને રાષ્ટ્રીય ટીમ માટે પણ અમારી યોજના છે.”
બીસીસીઆઈ પ્રમુખને પદ ચાલુ રાખવા ફરજિયાત વિરામમાંથી મુક્તિ મળે તે માટે સુપ્રીમ કોર્ટના નિર્ણયની રાહ જોવાઈ રહી છે. ગાંગુલીએ મહિલા આઈપીએલ વિશે વિસ્તૃત માહિતી આપી ન હતી, પરંતુ આ બાબતની જાણકારી ધરાવતા અન્ય એક વરિષ્ઠ અધિકારીએ જણાવ્યું હતું કે મહિલા ચેલેંજરનું આયોજન ગયા વર્ષેની જેમ આઈપીએલના અંતિમ તબક્કામાં યોજાશે.
‘મહિલા ચેલેન્જર સીરીઝ 1 થી 10 નવેમ્બર સુધી યોજવાનું આયોજન છે અને તે પહેલાં શિબિરનું આયોજન થઈ શકે છે,’ સૂત્રએ જણાવ્યું હતું. પૂર્વ ભારતીય કેપ્ટનએ જણાવ્યું હતું કે કેમ્પ કેન્દ્રિય કરારવાળી મહિલા ખેલાડીઓ માટે યોજવામાં આવ્યો હતો. દેશની વર્તમાન પરિસ્થિતિને કારણે મુલતવી રાખવામાં આવ્યો છે. ગાંગુલીએ કહ્યું હતું કે, અમે કોઈ પણ ક્રિકેટરના સ્વાસ્થ્યને જોખમમાં મૂકીશું નહીં, પછી ભલે તે પુરુષ હોય કે સ્ત્રી ક્રિકેટર. તે ખતરનાક બની શકે છે. “
તેમણે કહ્યું, ‘કોવિડ -19 ને કારણે નેશનલ ક્રિકેટ એકેડેમી પણ બંધ રહેશે. પરંતુ અમારી યોજના છે અને હું તમને કહી શકું છું કે મહિલાઓની ટીમ માટે શિબિર યોજવામાં આવશે. “
બીસીસીઆઈની ક્રિકેટ ઓપરેશન ટીમ એક શિડ્યુલ તૈયાર કરી રહી છે જેમાં ભારતીય મહિલા ટીમને ન્યૂઝીલેન્ડમાં વનડે વર્લ્ડ કપ પહેલા દક્ષિણ આફ્રિકા અને વેસ્ટ ઈન્ડિઝ સામે બે પૂર્ણ ઓવર મર્યાદિત ઓવરની શ્રેણી રમવાની તક મળી શકે છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
