બોલીવુડના પ્રખ્યાત નિર્માતા-દિગ્દર્શકે ફરી એકવાર વીડિયોનો ખુલાસો કર્યો છે, જેમાં કહેવામાં આવી રહ્યું છે કે સેલેબ્સે તેમના ઘરે પાર્ટીમાં ડ્રગ્સ લીધા હતા. તેમણે કહ્યું કે તેમની ઉપર જે આક્ષેપો કરવામાં આવી રહ્યા છે તે ખોટા છે. આ સિવાય કરણે અનુભવ ચોપરા અને ક્ષિતિજ રવિ પ્રસાદને લઈને પણ નિવેદન જારી કર્યું છે.
કરણ જોહરે પોતાની પોસ્ટમાં કહ્યું કે “તે વીડિયો વિશે જે પણ વાતો કરવામાં આવી રહી છે તે બધી ખોટી અને પાયાવિહોણી છે. પાર્ટીમાં ડ્રગ્સનો ઉપયોગ થતો ન હતો. હું ડ્રગ્સ લેતો નથી અથવા તેનો પ્રચાર કરતો નથી.” “કરણે એમ પણ કહ્યું હતું કે અનુભવ અને ક્ષિતિજ તેની નજીક નથી.
આપને જણાવી દઈએ કે વર્ષ 2019 માં કરણ જોહરના ઘરે સ્ટાર્સથી શોભિત પાર્ટીને લઈને ઘણી ચર્ચા થઈ હતી. વીડિયોમાં કરણના ઘરે દીપિકા પાદુકોણ, અર્જુન કપૂર, વિકી કૌશલ, વરૂણ ધવન, રણબીર કપૂર, મલાઈકા અરોરા જેવી અનેક હસ્તીઓ જોવા મળી હતી.
કરણ જોહરે એમ પણ લખ્યું હતું કે, અનુભવ ચોપરા ધર્મા પ્રોડક્શનના કર્મચારી નથી. તેણે ફક્ત થોડો સમય કામ કર્યું. જણાવીએ કે, એનસીબીએ ડ્રગ્સના કેસમાં અનુભવ અને ક્ષિતિજ પર સવાલ ઉઠાવ્યા છે.
નોંધપાત્ર વાત એ છે કે સુશાંતના મોતના કિસ્સામાં એનસીબી ડ્રગ્સ એંગલની તપાસ કરી રહી છે. રિયા ચક્રવર્તીથી શરૂ થયેલી તપાસ હવે દીપિકા પાદુકોણ સુધી પહોંચી ગઈ છે. રકુલપ્રીતની પૂછપરછ કરવામાં આવી છે. સારા અલી ખાન અને શ્રદ્ધા કપૂર પણ એનસીબી સમક્ષ હાજર થશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
