બોલિવૂડના પ્રખ્યાત ફિલ્મ નિર્માતા અનુરાગ કશ્યપ વિરુધ જાતીય સતામણીનો આરોપ લગાવનારી આ અભિનેત્રી તેના વકીલની સાથે વર્સોવા પોલીસ સ્ટેશન ગઈ હતી. તેણે અનુરાગની ધરપકડની માંગ કરી. સાથે જ પૂછ્યું કે 6 દિવસ પછી પણ ડિરેક્ટરને સમન્સ કેમ મોકલવામાં આવ્યું નથી? અભિનેત્રીએ ન્યાય નહીં અપાય તો ભૂખ હડતાલની ચેતવણી આપી છે.
અભિનેત્રી પોતાના વકીલ સાથે પોલીસ સ્ટેશન પહોંચી હતી. તેણે કહ્યું કે તેનો જીવ જોખમમાં છે. તે જ સમયે, અભિનેત્રીના વકીલે કહ્યું કે, અત્યાર સુધી પોલીસે અનુરાગ કશ્યપની ધરપકડ કરવા માટે હજી સુધી સમન્સ મોકલ્યો નથી. આ કેસમાં શું અપડેટ થયું છે, તે જાણવા તેઓ પોલીસ સ્ટેશન પહોંચી ગયા છે.
અભિનેત્રી એનસીબીમાં ફરિયાદ નોંધાવવા પહોંચી હતી
થોડા દિવસો પહેલા અભિનેત્રીએ અનુરાગ સામે નારકોટિક્સ કંટ્રોલ બ્યુરો (એનસીબી) માં ફરિયાદ પણ કરી હતી. અભિનેત્રીએ આરોપ લગાવ્યો હતો કે અનુરાગ કશ્યપે દારૂના નશામાં તેની સાથે જાતીય શોષણ કર્યું હતું.
આ પહેલા અભિનેત્રીના વકીલે મીડિયાને જાણકારી આપી હતી કે, “આઈપીસીની કલમ 376, 354, 341, 342 હેઠળ મહિલાનો બળાત્કાર અને અપમાન સહિતની લેખિત ફરિયાદ નોંધાઈ છે.”
અનુરાગે આ આરોપોને નકારી કાઢ્યા
આ પહેલા ટ્વીટમાં આ આરોપોને નકારી કાઢવા આવ્યા હતા. બાદમાં, તેના વકીલ પ્રિયંકા ખિમાની દ્વારા જારી કરાયેલા એક નિવેદનમાં કશ્યપે આ આરોપોને ‘ખોટા, દૂષિત અને બેઇમાન’ ગણાવ્યા હતા.
અભિનેતા પર #MeToo આરોપો સામે આવ્યા પછી બોલીવુડની અનેક હસ્તીઓ અનુરાગ કશ્યપના સમર્થનમાં બહાર આવી હતી. અનુરાગ કશ્યપના સમર્થનમાં તાપસી પન્નુ, સૈયામી ખેર, રામ ગોપાલ વર્મા અને અનુભવ સિંહાથી માંડીને કલ્કી કોચેલિન અને આરતી બજાજની પૂર્વ પત્નીઓ સુધીના બધાએ ફિલ્મ નિર્માતા પરના આરોપોને નકારી કાઢ્યા છે.
બોલિવૂડની વિવિધ હસ્તીઓએ પણ દલીલ કરી છે કે #MeToo આંદોલનની પવિત્રતાને સુરક્ષિત રાખવી જોઈએ અને તેનો દુરૂપયોગ ન કરવો જોઇએ.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
