વિશ્વભરમાં કોરોના રોગચાળો ફાટી નીકળ્યા બાદ ચીન સંપૂર્ણ રીતે ઘેરાયેલું છે. તેનાથી ધ્યાન હટાવવા માટે પડોશી દેશ ભારત સાથે વિવિધ યુક્તિઓ અપનાવી તણાવ ઉભુ કરી રહ્યું છે. લદાખમાં ઘણા મહિનાઓથી તણાવ વધી રહ્યો છે. માત્ર કોરોના અને લદ્દાખ સહિતનાં પડોશી દેશો પર જ નહીં, પણ ચીન જે રીતે ઝિંજિયાંગ પ્રાંતમાં લાખો ઉયગર મુસ્લિમોની સાથે વર્તે છે, તે વિશ્વના લક્ષ્ય પર આવી ગયું છે. પરંતુ, તો પણ ચીનીની આ કાર્યવાહીઓને બેધ્યાન કરીને પાકિસ્તાન સરકાર આંખ પર પટ્ટા બાંધીને બેઠી છે. પાકિસ્તાનને આશા છે કે ચીન એક દિવસ તેનો સદાબહાર મિત્ર બની રહેશે. જોકે, નિષ્ણાતો માને છે કે આર્થિક લાભને કારણે ચીન પાકિસ્તાનની તરફેણ કરે છે.
‘ધ નેશનલ ઇન્ટરેસ્ટ’માં વિલિયમ શ્રીવર દ્વારા લખાયેલ ‘કેમ ચીન પાસે પાવર ટુ ડિક્ટેટ પાકિસ્તાન ફ્યુચર’ લેખ મુજબ, પાકિસ્તાનના વડા પ્રધાન ઇમરાન ખાન ચીન ઉપર કરેવામાં આવતી ટીકાઓને સંતુલિત કરી છે. ચીન-પાકિસ્તાન સંબંધોને વિકસિત રાખવા માટે, ઇમરાન ખાને ચીન અને પાકિસ્તાન બંનેમાં કોરોના વાયરસના પ્રારંભિક તબક્કાને પણ ઓછો અંદાજ આપ્યો હતો.
ફેબ્રુઆરીમાં એક ટ્વીટમાં ઇમરાન ખાને લખ્યું છે કે આ મુશ્કેલ સમયમાં પાકિસ્તાન ચીનની જનતા અને તેની સરકારની સાથે ઉભું રહ્યું છે અને ભવિષ્યમાં પણ રહેશે. એક મહિના પછી, તેમણે નિવેદનમાં કહ્યું, “થોડા દિવસોમાં બધું બરાબર થઈ જશે…આ વાયરસ ફ્લૂ છે, જે ઝડપથી ફેલાય છે.”
શ્રીવીરે લેખમાં પ્રકાશિત કર્યુ છે કે કેવી રીતે ઇમરાન ખાને પાકિસ્તાન-ચીનના સંબંધોને બચાવવા અને ચીની અધિકારીઓને ખુશ કરવા કોવિડ -19 જેવા જીવલેણ વાયરસને નજર અંદાજ કર્યા છે. દરમિયાન, ખાને ચીની સરકાર દ્વારા ઝિંજિયાંગ પ્રાંતમાં મુસ્લિમો પર થતા અત્યાચારોની પણ અવગણના કરી હતી અને આંખો બંધ રાખવાનું વધુ સારું માન્યું હતું. લેખકે કહ્યું, “ગયા વર્ષે ખાને ઝિંજિયાંગમાં ઉઇગર મુસ્લિમોની હત્યાકાંડની અવગણના કરી હતી, ચીનના વિવાદિત હોંગકોંગ સુરક્ષા બિલને ટેકો આપ્યો હતો અને હવે તે ચીન સાથે કોરોના વાયરસ મામલે પણ ઉભો છે.” આ પાછળનું કારણ પાકિસ્તાનમાં ચીન-પાકિસ્તાન આર્થિક કોરિડોર (સીપીઇસી) માં 60 અબજ ડોલરનું રોકાણ છે.
એક તરફ, પાકિસ્તાન ભારત પર કહેવાતા માનવાધિકારના ઉલ્લંઘનનો આરોપ લગાવી રહ્યું છે. પરંતુ, ચીનના મુદ્દે મૌન છે. આના પર વિલિયમ શ્રીઇવેરે યુએસમાં પાકિસ્તાનના રાજદૂત અસદ મજિદ ખાનને સવાલ કર્યો છે કે, શા માટે સિનજિયાંગમાં 10 લાખની મુસ્લિમ વસ્તી પરના અત્યાચારને પાકિસ્તાન અવગણી રહ્યું છે? તેના જવાબમાં રાજદૂત ખાને કહ્યું, “અમે (પાકિસ્તાન) સામાન્ય રીતે અન્ય દેશોની આંતરિક પરિસ્થિતિઓ વિશે, ખાસ કરીને અમારા મિત્ર દેશો વિશે ટિપ્પણી કરતા નથી. કાશ્મીરમાં માનવાધિકાર ઉલ્લંઘનનો મુદ્દો એકદમ અલગ છે, કેમ કે ચીન ક્યારેય અમારી સાથે રહ્યું નથી. તે મુદ્દાઓ પણ ઉભા કરતું નથી. અમે આ બાબતો વિશે જાહેરમાં વાત કરતા નથી “
શાશ્વત મિત્રતાની આશામાં પાકિસ્તાન હંમેશાં ચીનનું સમર્થન કરે છે. આ લેખમાં લેખકે પૂછ્યું છે કે ભારત-પાકિસ્તાન જો આમને-સામને આવે તો, શું ચીન ઇસ્લામાબાદને તેવી રીતે સાથે આપશે જેવી રીતે ભારત-ચીન મુદ્દે અમેરિકાએ ભારતને સમર્થન આપ્યું છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને FaceBook, Twitter, Instagram અને YouTubeપર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “Mantavya News” ની નવી મોબાઇલ એપ્લિકેશન….
