ઈન્ડિયન પ્રીમિયર લીગ ની 13 મી સીઝનમાં રવિવારના રોજ બે મેચ રમાઈ હતી. બીજી મેચ મુંબઈ ઈન્ડિયન્સ અને કિંગ્સ ઇલેવન પંજાબ વચ્ચે રમાઈ હતી, જે ડ્રો થઈ ગઈ હતી અને ત્યારબાદ કિંગ્સ ઇલેવન પંજાબે મેચ સુપર ઓવરમાં આખરે જીત મેળવી હતી. આ મેચ દરમિયાન યુવરાજસિંહે એક ટ્વીટ કર્યું હતું, જેમાં તેણે કહ્યું હતું કે આઈપીએલ 2020 ની ફાઈનલમાં કઇ ટીમો સામ-સામે આવી શકે છે.
યુવરાજ સિંહે ટ્વિટ કરતા કહ્યું કે, નિકોલસ પૂરણ જ્યારે બેટિંગ કરવા આવ્યો હતો,ત્યારે પુરણે 12 બોલમાં બે ચોગ્ગા અને બે છગ્ગાની મદદથી 24 રન બનાવ્યા હતા. યુવીએ ટ્વિટર પર લખ્યું, ‘એવું લાગે છે કે નિકોલસ પૂરણ આ મેચમાં ગેમ ચેન્જર હશે. બેટિંગમાં પ્રવાહ, જોવાની મજા. તેમણે મને મારી યાદ અપાવી. મેચ ચાલે છે. મારી આગાહી, મને લાગે છે કે કિંગ્સ ઇલેવન પંજાબની ટીમ પ્લે ઓફમાં પ્રવેશ કરશે અને અંતિમ મેચમાં તે મુંબઈ ઈન્ડિયન્સ અથવા દિલ્હી કેપિટલ સામે રમશે.
જો કે આ મેચ પછી સુપર ઓવરમાં પહોંચી, પ્રથમ સુપર ઓવર ટાઈ થઈ ગઈ, ત્યારબાદ બીજી સુપર ઓવરમાં મેચનો નિર્ણય કિંગ્સ ઇલેવન પંજાબની તરફેણમાં આવ્યો. યુવીએ આ મેચ વિશે ટ્વિટર પર લખ્યું કે, ‘2019 વર્લ્ડ કપ ફાઇનલ કે મુંબઈ વિ પંજાબ કયો મેચ વધુ સારો હતો? આઈપીએલમાં અતુલ્ય દિવસ. જસપ્રીત બુમરાહ મુંબઇ ઇન્ડિયન્સ માટે ગેમ ચેન્જર હતો અને કિંગ્સ ઇલેવન પંજાબ માટે કેએલ રાહુલ રમત ચેન્જર હતો. ક્રિસ ગેલ અને મયંક અગ્રવાલે મેચને સારી રીતે પૂરી કરી.
