પાકિસ્તાની ક્રિકેટ ટીમનું નેતૃત્વ આજે યંગ અને જોશીલા કહેવાતા બાબર આઝમને સોંપવામાં આવ્યુ છે. પાકિસ્તાનનાં પૂર્વ કેપ્ટન અને કોચ રાશિદ લતીફનું માનવું છે કે, બાબરને લાંબા ગાળા સુધી જો કેપ્ટનશીપ પોતાની પાસે રાખવી હોય તો તેણે ભારતીય કેપ્ટન વિરાટ કોહલીની જેમ એક નેતા બનવુ જરૂરી છે. રાશિદે કહ્યું કે, ભારતીય ટીમમાં કોહલીનું સન્માન કરવામાં આવે છે અને મેદાનમાં ઉતરતા દરમિયાન તેણે બેટ્સમેન અને નેતા તરીકે પોતાનું કદ જાળવી રાખ્યું છે.

ભૂતપૂર્વ કેપ્ટને બાબર આઝમને સલાહ આપી હતી કે, તેઓ તેમના સમકક્ષ કોહલી પાસેથી શીખી શકે છે કે કેવી રીતે ખરાબ સમય દરમિયાન ખેલાડીઓ માટે ઉભા રહેવુ. વળી, રાશિદે કહ્યું કે, પાકિસ્તાનનાં કેપ્ટન તરીકેની તેમની ભૂમિકા વચ્ચે સંતુલન જાળવવાની જરૂર છે જેથી તેની અસર તેના અંગત પ્રદર્શન પર ન પડે અને તે મેન ઇન ગ્રીન માટે કેપ્ટનની કેપમાં પોતાની ફરજ ચાલુ રાખી શકે. રાશિદે એક પાકિસ્તાની યુટ્યુબ ચેનલને કહ્યું, “મને લાગે છે કે બાબરને ટીમનાં કેપ્ટન બનવાને બદલે વિરાટ જેવા નેતા બનવું પડશે. વિરાટ એક નેતા તરીકે વિકસિત થયા છે અને ક્રિકેટ અને રમતગમતમાં, જ્યારે તમને કેપ્ટન બનાવવામાં આવે છે, ત્યારે તમારે નેતા બનવું પડશે અને તે દ્વારા, મારો અર્થ છે કે મેદાનમાં અને બહાર તમારે આદર કરવો પડશે.”

“તમારે તમારા ખેલાડીઓ માટે ઉભા રહેવું પડશે અને તમારે સખત અને આઉટ ઓફ ધ બોક્સ નિર્ણયો લેવા પડશે. તમે આજે વિરાટને જુઓ, તે એક સંપૂર્ણ નેતા છે અને બેટ્સમેન તરીકે તેમનો પોતાનો કદ પણ ઘણો મદદ કરે છે. પરંતુ તમે ભારતીય ટીમનાં વલણ અને તેમની પસંદગીમાં જોઈ શકો છો, વિરાટે દરેક વાતમાં પોતાની વાતને રજૂ કરી છે.  આ ઉપરાંત લતીફે પણ આઝમની પ્રશંસા કરતા કહ્યું કે, ટીમમાં સારા નેતા બનવાના ગુણો પણ તેમનામાં છે. વળી, તેમનુ માનવું છે કે બાબર એક અંતર્મુખી હોવા છતા, તે માનસિક રીતે ખૂબ જ મજબૂત છે અને રમતગમતની સારી જાગૃતતા ધરાવે છે.

હાર્દિક પંડ્યાની બેટિંગ જોઇ ચોંકી ઉઠી ઈગ્લેન્ડની આ મહિલા ખેલાડી

ભાજપનાં પેજ પ્રમુખની યાદીમાં હવે મનસુખ માંડવિયાનો પણ સમાવેશ

ખેડૂતોને લઇને રાહુલ ગાંધીનો PM મોદી પર કટાક્ષ – હજુ કેટલા ખેડૂતોની…

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…