મૂળ વ્યારાના વાલોડ તાલુકાના બાજીપુરા ગામના અને છેલ્લા 25 વર્ષથી અમેરિકામાં સ્થાયી થયેલા NRI પટેલ પરિવારની કારને અમેરિકાનાં હોસ્ટન પાસે ગમખ્વાર અકસ્માત નડ્યો અને માતા-પિતાની નજર સામે જ પટેલ પરિવારે બે જુવાન દિકરાઓ ખોયા. નસીબનાં વાંકે અકસ્માતમાં પોતાની કારમાં મુસાફરી કરી રહેલા પટેલ પરિવારનો કોઇ વાંક ન હતો, પરંતુ પટેલ પરિવારની કારની પાછળ બેફામ સ્પીડે આવતી મોબાઇવાન અથડાઇ અને પાછળની સીટ પર બેસેલા બે જુવાન પુત્રોને અનંતની મુસાફરીએ લઇ ગઇ.
પ્રાપ્ત વિગતો પ્રમાણે અમેરિકાનાં હોસ્ટન શહેરમાં ગઇકાલ સાંજના સમયે મુસાફરી કરી રહેલ NRI પટેલ પરિવારની કારને પાછળથી એક પિકઅપ મોબાઈલવાનાંના ચાલકે ધડાકાભેર અથડાવી અકસ્માત સર્જ્યો. પિતા કાર ચલાવી રહ્યા હતા, માતા બાજુની સીટમાં હતા અને કારમાં પાછળ બેસેલા પરિવારના લાડકવાયા 2 દીકરાઓને અકસ્માતમાં ગંભીર ઇજા થવાથી મા- બાપની નજર સામે દમ તોડ્યો.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…