કોરોનાની રસી શોધાઈ ગયા બાદ સૌથી મોટો સવાલ એ છે કે ભારતમાં તે શું કિંમતે ઉપલબ્ધ થશે. આ અંગે જાણવા માટે લોકો આતુર છે ત્યારેફાર્માસ્યુટિકલ કંપની ફાઇઝર તેની COVID-19 રસીના ભાવ ભારતમાં યુકે અને યુએસ કરતા ઓછા રાખી શકે છે. ફાઈઝરએ કહ્યું છે કે અમે આ રીતે ભાવ નક્કી કરીશું, જે સરકારને સુનિશ્ચિત કરવામાં મદદ કરશે અને જનતાએ ખર્ચનો ભાર સહન ન કરવો પડે. મળતી માહિતી અનુસાર, ફાઈઝરએ પોતાના નિવેદનમાં કહ્યું, “અમે ભારત સરકાર સાથે જોડાયેલા રહેવા અને દેશમાં ઉપયોગ માટે આ રસી ઉપલબ્ધ કરાવવાની તકો શોધવા માટે પ્રતિબદ્ધ છીએ.”માનવામાં આવે છે કે ફાઇઝર રસીના ભાવની સાથે તેમની જાળવણી પણ પડકારજનક છે. તેને શૂન્ય થી 70 ડિગ્રી સેલ્સિયસ તાપમાનમાં રાખવી પડશે. અને એક જગ્યાએથી બીજી જગ્યાએ ખાસ બોક્સમાં પરિવહન કરવું પડશે. એકવાર સપ્લાય કર્યા પછી, તે રેફ્રિજરેટરમાં પાંચ દિવસ માટે સ્ટોર કરી શકાય છે.
Surendranagar: ચોટીલામાં શિક્ષણ ક્ષેત્રે ઈનોવેટિવ કામ કરનારા શિક્ષકોની પડખે…
કંપનીએ કહ્યું છે કે અન્ય દેશોની જેમ ભારતમાં પણ તેની રસીની કિંમત અલગ હોઈ શકે છે, જે સરકાર દ્વારા કરવામાં આવેલી પ્રતિબદ્ધતા અને ખરીદીના કદ પર આધારીત છે. યુ.એસ. માં, કંપનીએ આ રસીની કિંમત માત્રા દીઠ 19.5 ડોલર રાખી છે. લોકોને આ રસીના બે ડોઝ આપવામાં આવશે. તે જ સમયે, ભારતમાં સીરમ ઇન્સ્ટિટ્યૂટ Covishield રસી સરકારને ડોઝ દીઠ 3 ડોલરના દરે વેચી શકે છે. આ કિંમત અમેરિકાના ફાઇઝર રસીના ભાવ કરતા ઘણી ઓછી છે.
suicide / ઓનલાઇન શિક્ષણથી કંટાળેલી વિદ્યાર્થીનીએ પોતાની જાતને જ કરી લી…
ફાઈઝરએ 18 નવેમ્બરના રોજ જાહેરાત કરી હતી કે તેની COVID-19 રસીનો તબક્કો 3 ના અંતિમ વિશ્લેષણમાં 95% અસરકારક હોવાનું જણાયું છે. તાજેતરમાં, યુ.એસની ખાદ્ય અને દવા પ્રશાસન (એફડીએ) દ્વારા ઈમરજન્સી ઉપયોગ માટે આ રસીને મંજૂરી આપવામાં આવી છે. આ સિવાય બ્રિટન, કેનેડા અને બહેરિન જેવા દેશોએ પણ તેને મંજૂરી આપી દીધી છે.ફાઇઝર રસી mRNA ટેકનોલોજી પર આધારિત છે. આ ટેકનોલોજી હ્યુમન સેલ્સને કોરોના વાયરસની પ્રોટીન બનાવવા માટે જેનેટિક સૂચનો આપીને કાર્ય કરે છે, જે પ્રત્યક્ષ વાયરસને ઓળખવા માટે રોગપ્રતિકારક શક્તિને તાલીમ આપે છે.
