NHAIએ જાહેરાત કરી કે 1 જાન્યુઆરી 2021થી, દેશના તમામ એનએચએઆઈ ટોલ પ્લાઝા રોકડને બદલે FASTag લેનમાં ફેરવાશે. જો કોઈપણ FASTag વગર લ પ્લાઝા પર પહોંચે છે, તો તેમણે ટોલ ડબલ ચૂકવવો પડશે. પરંતુ હવે લોકોને FASTag લેવા અને ઇન્સ્ટોલ કરવા માટે છૂટ મળી ગઈ છે. ફેસ્ટાગ વગરના વાહનો હવે 15 ફેબ્રુઆરી સુધી રાષ્ટ્રીય માર્ગના ટોલ પ્લાઝા પાસેથી રોકડ ચૂકવી શકશે.
FASTag બે પ્રકારના હોય છે. એક એનએચએઆઈ સાથે ટેગ વાળો હોય છે અને બીજો બેંકોમાંથી લેવામાં આવ્યો છે. 1 ડિસેમ્બર, 2017 થી બાદ જે વાહનો ખરીદેલા છે તેમા ફાસ્ટટેગ પ્રી ફીટ આવે છે. જો તમે આ પહેલા કાર ખરીદી છે, તો તમારે અલગથી FASTag ખરીદવું પડશે.
આ એપ્લિકેશન દ્વારા તમે તમારી કાર માટે FASTag ખરીદી શકો છો. આ માટે તમારે કોઈ કેવાયસીની જરૂર નથી. એનએચએઆઈએ તાજેતરમાં તેમાં ‘ચેક બેલેન્સ સ્ટેટસ’ ની નવી સુવિધા ઉમેરી છે.‘My FASTag App’ એપ્લિકેશન’ એ એક એપ્લિકેશન છે, એટલે કે, તેની કોઈ સરકારી અથવા ખાનગી બેંક સાથે લિંક નથી. તમે તેને યુપીઆઈ અથવા નેટ બેન્કિંગ દ્વારા રિચાર્જ કરી શકો છો.
તમે બેંકો પાસેથી FASTags પણ ખરીદી શકો છો અને તેને તમારી કારમાં પેસ્ટ કરી શકો છો અને રિચાર્જ કરી શકો છો. આ કામ માટે 22 બેંકો ઉમેરવામાં આવી છે. આઈસીઆઈસીઆઈ બેંકે FASTags માટે ગૂગલ પે સાથે જોડાણ કર્યું છે. આ માટે તમારે બેંકમાં જવાની અથવા ટોલ પ્લાઝા પર જવાની જરૂર રહેશે નહીં.
