કોરોના સામેની લડાઈમાં ભારત સહિત એશિયાઈ દેશો સફળતા મેળવવા તરફ છે. જો કે પશ્ચિમી દેશોમાં કોરોના હજુપણ કોહરામ મચાવી રહ્યો છે. ત્યારે WHO હવે એક નવા અભિગમ સાથે આવ્યું છે. આ અભિગમ છે વેક્સિન પાસપોર્ટનો.

કોરોનામાં મોટાભાગના કાર્યો વર્ચ્યુઅલ થઈ ગયા. મિટિંગ ઓનલાઈન થઈ ગઈ. વેડિંગ સહિતની સેરેમનીના સ્વરૂપ બદલાઈ ગયા. હવે ટ્રાવેલિંગમાં પણ એકમોટો બદલાવ દેખાઇ રહ્યો છે. એ છે વેક્સિન પાસપોર્ટનો. જે વ્યક્તિએ વેક્સિન લઇ લીધી છે તેમના માટે હવે નવો વેક્સિન પાસપોર્ટ તૈયાર કરવામાં આવી રહ્યો છે. જે વ્યક્તિ પાસે આ પાસપોર્ટ છે તેને દુનિયાનો કોઈ દેશ ક્વોરન્ટાઈન ન કરે પણ માત્ર કોરોના ટેસ્ટ કરવામાં આવે. વર્લ્ડ ટુરિઝમ ઓર્ગેનાઈઝેશન અને WHO છેલ્લાં ઘણાં મહિનાથી આ નવા પ્રસ્તાવ પર કામ કરી રહ્યાં છે. વર્લ્ડ ટુરિઝમ ઓર્ગેનાઈઝેશન તો માગ કરી રહ્યું છે કે આને દુનિયાના તમામ દેશો લાગુ કરે.

વેક્સિન લીધા પછી પહેલાં ઈ-સર્ટિફિકેટ મેળવવું પડશે. જેના આધારે આ પાસપોર્ટ નીકળી શકશે. કોરોનાએ વિશ્વભરની ટુરિઝમ ઈન્ડસ્ટ્રીને કારમો ઘા પહોંચાડ્યો છે. ગ્લોબલ ટુરિઝમને 11 હજાર કરોડથી વધુનો ઘોબો લાગી ચૂક્યો છે. હવે વેક્સિન પાસપોર્ટ આ સ્થિતિને બદલવામાં મહત્વનો રોલ ભજવી શકે છે વર્લ્ડ ટુરિઝમ ઓર્ગેનાઈઝનશ એટલે જ આ સિસ્ટમને જલદીથી જલદી લાગુ કરવા દબાણ કરી રહ્યું છે. યુરોપ અને અમેરિકા સહિતના પશ્ચિમના દેશો આ માટે તૈયારી દર્શાવી ચૂક્યાં છે. ત્યારે જલદીથી આ સિસ્ટમ આખા વિશ્વમાં લાગુ થાય તે માટે WHO પ્રયાસો કરી રહ્યું છે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…