આંધ્રપ્રદેશના મદનાપલ્લીમાં એક વિચિત્ર ઘટના સામે આવી છે. અહીં એક પરિવારમાં માતાની બે પુત્રીના મોત નીપજ્યા હતા, ત્યારબાદ માતાએ પુત્રીઓના વિદાયના દુખમાં રડવાને બદલે નૃત્ય કરી તેના મૃતદેહ પાસે ગીત ગાવા લાગી હતી.
હકીકતમાં મંગળવારે તિરૂપતિ નજીક સ્થિત મદનપલ્લી પોલીસે દંપતીની ધરપકડ કરી હતી, જેમણે તંત્ર-મંત્રના પ્રભાવ હેઠળ તેમની બે પુત્રીની હત્યા કરી હતી. તેમની પુત્રીના મૃતદેહની પાસે બેઠેલા આ દંપતી તેમના ઘરે પહોંચ્યા ત્યારે ગભરાઇ ગયા હતા.
પોલીસ અચાનક આવી ત્યારે પુત્રીઓના પિતા ડૉ.વી. પુરુષોત્તમ નાયડુ બહાર આવ્યા હતા, પરંતુ પત્ની પદ્મજા વિચિત્ર વર્તન કરવા લાગી હતી. તે પોલીસની સામે નાચતી અને ગીતો ગાતી રહી. તે ચીસો પાડતી રહી કે કોરોના વાયરસ ચીનથી આવ્યો નથી, ભગવાને ખરાબ તત્વોને દૂર કરવા વાયરસને કળયુગમાં મોકલ્યો છે.
જ્યારે પોલીસ મહિલાને કોવિડ પરીક્ષણ માટે હોસ્પિટલમાં લઈ ગઈ હતી, ત્યારે તેણે પોતાનો સેમ્પલ આપવાનો ઇનકાર કર્યો હતો અને કહ્યું હતું કે તે પોતે માનવ સ્વરૂપમાં કોરોનોવાયરસ છે અને ત્યાં કોઈ પરીક્ષણની જરૂર નથી.
પોલીસે યુવતીના પિતા વી પુરૂષોત્તમ નાયડુને આ કેસમાં આરોપી નંબર 1 અને માતા પદ્મજા આરોપી નંબર 2 તરીકે નામ આપ્યું હતું. આ દંપતીએ તેમની પુત્રી અલેખ્યા (27) અને સાંઇ દિવ્યા (22) ની નિર્દયતાથી હત્યા કરી હતી. મદનપલ્લીના ડીએસપી એ રવિ મનોહરચારીએ જણાવ્યું હતું કે પદ્મજાના તબીબી પરીક્ષણ કરવામાં પોલીસ અને ડૉકટરોને ઘણી સમસ્યાઓનો સામનો કરવો પડ્યો હતો. પદ્મજાએ દાવો કર્યો હતો કે તે ભગવાન શિવનું સ્વરૂપ છે. બંને આરોપીઓને બાદમાં સ્થાનિક મેજિસ્ટ્રેટ સમક્ષ રજુ કરવામાં આવ્યા હતા.
આ દંપતીએ કહ્યું કે તેમની પાસે કેટલીક દિવ્ય શક્તિઓ છે, જેથી તેઓ થોડાક જ કલાકોમાં બંને પુત્રીઓને જીવંત કરશશે. પોલીસે જણાવ્યું કે પુત્રીની હત્યા પહેલા તેનું મુંડન પણ કરવામાં આવ્યું હતુ. પિતા ત્યાં ઉભા રહી બધુ જોઈ રહ્યા હતા અને માતાએ બંનેની હત્યા કરી હોવાના આક્ષેપ કર્યા હતા. પોલીસના જણાવ્યા અનુસાર, નાની પુત્રીની પહેલા ત્રિશૂળ દ્વારા હત્યા કરવામાં આવી હતી અને ત્યારબાદ મોટી પુત્રીને ડમ્બલથી મારી નાખવામાં આવી હતી.
પોલીસને આશંકા છે કે આ પરિવાર કેટલાક સમયથી કોઈ રહસ્યમય પ્રવૃત્તિમાં સામેલ હતો. આ દંપતીનું શિક્ષણ અને કામના રેકોર્ડને જોતા, કોઈ એવું કહી શકશે નહીં કે તેઓ આવા ગુનો કરી શકે છે.
