ભારતથી વિદેશ જવા માટેની ફ્લાઇટ શરૂ કરવામાં હજી વધુ એક મહિનાનો સમય લાગશે. ઉડ્ડયન નિયમનકાર ડીજીસીએ દ્વારા આ નિર્ણય લેવામાં આવ્યો છે. ડીજીસીએએ તેના નિર્ણયમાં કહ્યું છે કે આંતરરાષ્ટ્રીય મુસાફરોની ફ્લાઇટ્સના સસ્પેન્શનને 28 ફેબ્રુઆરી સુધી લંબાવી દેવામાં આવ્યું છે. એટલે કે હજુ  આંતરરાષ્ટ્રીય મુસાફરોની ફ્લાઇટ્સ 28 ફેબ્રુઆરી સુધી સ્થગિત રહેશે.

ડીજીસીએએ કહ્યું છે કે પસંદગીના માર્ગો પર વિશિષ્ટ રૂટો પર સક્ષમ ઓથોરિટી દ્વારા સુનિશ્ચિત આંતરરાષ્ટ્રીય ફ્લાઇટ્સને મંજૂરી આપી શકાય છે. તાજેતરના નિર્ણયની આંતરરાષ્ટ્રીય પરિવહન ફ્લાઇટ્સ અને તેની મંજૂરી આપવામાં આવેલી ફ્લાઇટ્સ પર કોઈ અસર નહીં પડે.

Suspension of scheduled international passenger flights extended till February 28: aviation regulator DGCA

— Press Trust of India (@PTI_News) January 28, 2021

એર ​​બબલમાં પસંદ કરેલી ફ્લાઇટ્સ ચાલું

વિમાન નિયમનકારે સ્પષ્ટ કર્યું કે આંતરરાષ્ટ્રીય મુસાફરોની ફ્લાઇટ્સ પર આ પ્રતિબંધ 28 ફેબ્રુઆરી સુધી વધારવામાં આવ્યો છે. નોંધનીય છે કે કોરોના રોગચાળાને કારણે 23 માર્ચથી ભારતની નિર્ધારિત આંતરરાષ્ટ્રીય ફ્લાઇટ્સ સ્થગિત કરી દેવામાં આવી છે, પરંતુ મે મહિનાથી વંદે ભારત મિશન હેઠળ ખાસ આંતરરાષ્ટ્રીય ફ્લાઇટ્સનું સંચાલન કરવામાં આવી રહ્યું છે. આ સિવાય જુલાઈથી પસંદગીના દેશો સાથે દ્વિપક્ષીય એર બબલ કરાર હેઠળ ફ્લાઇટ્સ પણ ચલાવવામાં આવી રહી છે.

24 દેશો સાથે એર બબલ કરાર

ભારતે લગભગ 24 દેશો સાથે એર બબલ કરાર કર્યો છે. આ દેશોમાં યુનાઇટેડ સ્ટેટ્સ, બ્રિટન, સંયુક્ત આરબ અમીરાત, કેન્યા, ભૂટાન અને ફ્રાન્સનો સમાવેશ થાય છે.

એર બબલ એગ્રીમેન્ટ શું છે

આ કરાર હેઠળ ભારતે પેસેન્જર ફ્લાઇટ્સના સંચાલન માટે વિશેષ કરાર પર હસ્તાક્ષર કર્યા છે. તેનું નામ એર બબલ રાખવામાં આવ્યું છે. આના માધ્યમથી તેમની હવાઇ લાઈન સંબંધિત દેશો વચ્ચે ફ્લાઇટ્સ ચલાવી શકે છે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…