તેલના ડાઘ એવા હોય છે કે તેને દૂર કરવા ખૂબ મુશ્કેલ હોય છે. દિવાલો પર તેલના ડાઘ ખૂબ ખરાબ લાગે છે સાથે જ તેની લોકો પર ખરાબ અસર પડે છે. ઘણી વખત ઘરે નાના બાળકો દિવાલો પર તેમના હાથ લગાવે છે. લોકો સામાન્ય રીતે આ ડાઘને સાબુ વગેરેથી દૂર કરવાનો પ્રયાસ કરે છે પરંતુ તેમ છતાં તે દૂર થતા નથી. આવી સ્થિતિમાં આજે અમે તમને કેટલીક એવી ટીપ્સ જણાવવા જઈ રહ્યા છીએ, જેના દ્વારા તમે સરળતાથી તેલના ડાઘને દૂર કરી શકો છો. ચાલો જાણીએ આ ટિપ્સ વિશે…
સફેદ વિનેગરમાં એક સ્પોન્જ ડૂબાડો અને તેમાથી વધારે પાણીને નીચવો. પછી દિવાલને સ્પોન્જથી સાફ કરો. ડાઘ સાફ થયા પછી દિવાલને સાફ કપડાથી સાફ કરો.
પાણીમાં કોર્નફ્લોર નાખીને પેસ્ટ તૈયાર કરો. આ પેસ્ટને તેલના ડાઘ પર લગાવો અને થોડી વાર માટે રહેવા દો. ત્યારબાદ ભીના કપડાથી દિવાલને સાફ કરો.
જો દિવાલ પર તેલ અથવા માર્કરના ડાઘ જોવા મળે તો ટિશ્યુ પેપરને વાળીને દિવાલ પર લગાવો અને ગરમ ઈસ્ત્રીને ટિશ્યુ પેપરને તેના પર રાખવાથી દિવાલ પર લાગેલું તેલ ગરમ થશે અને ટિશ્યુ પેપર તેને શોષી લેશે જેથી દિવાલ પર તેલના ડાઘ સરળતાથી દૂર થઇ જશે.
આ પણ વાંચો- તમારી આંખો પર મસ્કરા કે કાજલ ફેલાઇ જાય છે તો લગાવતા પહેલા આ વસ્તુનો કરો ઉપયોગ, ક્યારેય નહીં ફેલાઇ
તમે ડાઘવાળી દિવાલ પર મેચિંગ વોલ પેઇન્ટ લગાવીને ડાઘને છુપાવી શકો છો, આ માટે તમારે વધારે મહેનત કરવી પડશે નહીં અને સરળતાથી તમે દિવાલો પર ડાઘથી છૂટકારો મેળવી શકો છો.
દિવાલ પર તેલ પરના નિશાનને દૂર કરવા માટે સાબુનો ઉપયોગ કરી શકો છો, એક કપમાં વોશિંગ લિક્વિડને પાણીમાં મિશ્રણ કરી દિવાલ પર ઘસો.
