વડાપ્રધાન નરેન્દ્ર મોદીના સંસદીય મત વિસ્તાર વારાણસીના ભેલુપુર પોલીસ સ્ટેશનમાં નોંધાયેલી એફઆઈઆર ચર્ચામાં છે. આઈટી એક્ટ અંતર્ગત આ એફઆઈઆરમાં કુલ 18 લોકો પર કેસ નોંધવામાં આવ્યો છે. આ 18 લોકોમાં, એક એવું નામ છે જેની ખૂબ ચર્ચા કરવામાં આવે છે. આ ગુગલના સીઇઓ સુંદર પિચાઈનું નામ છે. તેમની સામે આઈટી એક્ટ અને ષડયંત્ર માટે કેસ દાખલ કરવામાં આવ્યો છે.ખરેખર, આ એફઆઈઆર 6 ફેબ્રુઆરીના રોજ કોર્ટના આદેશ બાદ નોંધવામાં આવી છે. વારાણસીના ગૌરીગંજ વિસ્તારમાં રહેતા ગિરિજા શંકરે આ એફઆઈઆર દાખલ કરી છે. ગિરિજા શંકરે આરોપ લગાવ્યો છે કે પીએમ મોદી વિરુદ્ધ અભદ્ર ટિપ્પણી એક વોટ્સએપ જૂથમાં વીડિયો દ્વારા કરવામાં આવી હતી. ગિરિજા શંકરે  કોલ કરીને વિડિઓ પર સવાલ ઉઠાવ્યા, ત્યારબાદ યુટ્યુબ પર એક વીડિયો મૂકવામાં આવ્યો. તેમાં ગિરિજા શંકરનો મોબાઈલ નંબર મુકાયો હતો. ત્યારબાદ, તેના મોબાઈલ ફોન પર તેને જાનથી મારી નાખવાની ધમકી આપવામાં આવતા સતત કોલ આવે છે.

CHIN / ચીને મુક્યો BBC પર પ્રતિબંધ, કોરોનાવાયરસ અને મહિલાઓ સાથે ગેંગરેપની ખબરો કરેલી ઉજાગર

8500 કોલ્સમાં ધમકી આપી 

ગિરીજા શંકરનો મોબાઈલ નંબર યુટ્યુબ પર મુકનાર વ્યક્તિ વિશાલ સિંઘ છે, જેણે યુટ્યુબ પર એક વીડિયો બનાવ્યો અને ગિરીજા શંકરનો નંબર તેમાં મૂકીને ગીત બનાવ્યું કે આ વ્યક્તિને તેના જીવનું જોખમ છે. ત્યારથી ગિરીજા શંકરને 8500 કોલ્સ આવ્યા છે, જેમાં તેને જાનથી મારી નાખવાની ધમકી આપવામાં આવી છે અને દુર્વ્યવહાર કરવામાં આવી રહ્યો છે.આ કેસ હેઠળ ગિરિજા શંકરે 156 હેઠળ કોર્ટનો સંપર્ક કર્યો, ત્યારબાદ કોર્ટે ભેલુપુર પોલીસ સ્ટેશનમાં રિપોર્ટ દાખલ કરીને તપાસના આદેશ આપ્યા. જે બાદ પીડિતા ગિરિજા શંકરે ભેલુપર પોલીસ સ્ટેશનમાં 18 લોકો વિરુદ્ધ ગુનો દાખલ કર્યો છે.

Election / રાજકોટ જિલ્લાપંચાયત કોંગ્રેસના 36 ઉમેદવારોની યાદી જાહેર, પૂર્વ પ્રમુખ તેમજ ઉપપ્રમુખની જ બાદબાકી

પોલીસ તપાસમાં લાગી 

આ 18 લોકોમાં ગૂગલના સીઈઓ સુંદર પિચાઇ સહિત, ગૂગલના અન્ય બે અધિકારીઓનું નામ છે, જેમના પર આઇટી એક્ટ સાથે કાવતરું ઘડવાનો અને કાવતરાં કરવાનો આરોપ છે. ભેલુપુર પોલીસ સ્ટેશનના પ્રમુખ અમિત મિશ્રાએ કહ્યું કે  એફઆઈઆર પીડિત ગિરીજા શંકર દ્વારા ગૂગલના સીઈઓ સહિત લખવામાં આવી છે. કેસ નોંધીને તપાસ હાથ ધરી છે. દેશમાં, ટ્વિટર પર કન્ટેન્ટ વિશે ટ્વિટરની ચર્ચા છે. આવી સ્થિતિમાં ગૂગલના સીઈઓ વિરુદ્ધ કેસ નોંધાવવાની બાબત ખૂબ જ ચર્ચાનો વિષય છે.

Supreme Court / કેન્દ્ર અને ટ્વીટરને સુપ્રીમ કોર્ટની નોટિસ, ફેક એકાઉન્ટ થકી ભ્રામક ખબરો ફેલાવાની કરો તપાસ

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…