‘પંજાબની કેટરિના કૈફ’ એટલે કે શહનાઝ ગિલ ભલે બિગ બોસ 13 જીતી ન શકી હોય, પરંતુ તેણીએ નિશ્ચિતપણે ચાહકોનું દિલ જીતી લીધું હતું. આ જ કારણ છે કે બિગ બોસમાંથી બહાર નીકળ્યા બાદ શહનાઝ સતત ચર્ચામાં રહે છે.
શહનાઝ તેની નવી પંજાબી ફિલ્મ ‘હોંસાલા રખ’માં જોવા મળવાની છે, જેમાં દિલજીત દોસાંઝ મુખ્ય ભૂમિકામાં છે. આના શૂટિંગ માટે તે કેનેડામાં છે. દરમિયાનમાં તેણે પોતાના વ્યસ્ત શેડ્યૂલમાંથી સમય કાઢીને લેટેસ્ટ ફોટોશૂટ કરાવ્યું છે. તેના ફોટા ઇન્ટરનેટ પર વાયરલ થઈ રહ્યા છે.
શહનાઝ ગિલે પીળા રંગના આઉટફીટમાં જોવા મળી રહી છે. આ અવતારમાં તે ખૂબ જ ગ્લેમરસ લાગી રહી છે.
શહનાઝ ગિલ સોશિયલ મીડિયા પર ખૂબ જ એક્ટિવ છે. તે તેના ફોટા અને વીડિયો ચાહકો સાથે શેર કરતી રહે છે.
વર્કફ્રન્ટ વિશે વાત કરવામાં આવે તો શહેનાઝ આ ફિલ્મ ઉપરાંત રેપર અને સિંગર બાદશાહ સાથે એક મ્યુઝિક વીડિયોમાં પણ જોવા મળશે. તેણે થોડા દિવસો પહેલા જ તેને કાશ્મીરમાં શૂટ કર્યું હતું.
આ સિવાય શહનાઝ ફરી એકવાર સિદ્ધાર્થ શુક્લા સાથેના મ્યુઝિક વિડીયોમાં જોવા મળશે. બંનેએ સાથે મળીને બે ગીતો પણ કર્યા છે, જેને પ્રેક્ષકોનો ઘણો પ્રેમ મળ્યો છે.
શહેનાઝ ગીલે ઈન્સ્ટાગ્રામ પર પોતાની સેલ્ફી પણ શેર કરી છે, જેમાં તે ખૂબ જ સુંદર લાગી રહી છે.