સ્માર્ટફોન બ્રાન્ડ ઓપ્પોએ તેની 2021 ફ્લેગશિપ ‘ફાઇન્ડ એક્સ 3 (Find X3)પ્રો’ પર ખુલાસો કર્યો. આ સ્માર્ટફોનમાં 50 મેગાપિક્સલનાં બે કેમેરા છે. તેમાં 12 જીબી રેમ અને 256 જીબી ઇન્ટરનલ સ્ટોરેજ છે. સ્નેપડ્રેગન 888 ચિપસેટ સાથે રજૂ કરેલા આ સ્માર્ટફોનની કિંમત 1,149 યુરો રાખવામાં આવી છે. મીડિયા રિપોર્ટ્સ અનુસાર આ સ્માર્ટફોન ગ્લોસ બ્લેક અથવા એન્ટી-ગ્લેયર બ્લુ મેટ કલર્સ સાથે 30 માર્ચે ઉપલબ્ધ થશે.
ડિવાઇસમાં કેમેરા બમ્પ પણ આપવામાં આવ્યો છે. આ સિવાય ક્યુએચડી પ્લસ સાથે 6.7 ઇંચનો ફોન લોન્ચ કરવામાં આવ્યો. ફાઇન્ડ એક્સ 3 પ્રોમાં 240 હર્ટ્ઝ ટચ-સેમ્પલિંગ રેટ પણ છે.
સસ્તામાં ખરીદી શકો છો iPhone 12, મળી રહ્યું છે ભારે ડિસ્કાઉન્ટ, એક્સચેન્જ ઓફર પણ સામેલ
ફીચર્સ
તેની 4500 એમએએચની બેટરીને 65 વોટ સાથે ઝડપથી ચાર્જ કરી શકાય છે. કંપનીએ કહ્યું કે, બેટરી ફક્ત 80 મિનિટમાં શૂન્યથી 100 ટકા સુધી ચાર્જ થઈ શકે છે.
ફોનના પાછળના ક્વાડ-કેમેરા સેટઅપમાં બે 50-મેગાપિક્સલનો સોની આઇએમએક્સ 766 સેન્સર છે. એક મુખ્ય વાઇડ એંગલ કેમેરા માટે અને બીજું અલ્ટ્રા-વાઇડ-એંગલ સેન્સર માટે છે.
સરકારે લોન્ચ કરી ‘મેરા રાશન’ એપ, હવે કોઇપણ રાજ્યમાંથી રાશન લેવું બનશે સરળ
આ સાથે, તેમાં 13 મેગાપિક્સલનો ટેલિફોટો કેમેરો પણ છે, જે 5 ગણો ઝૂમ થાય છે. 3 મેગાપિક્સલનો મેક્રો કેમેરો પાછળની સિસ્ટમને પૂર્ણ કરે છે. તેના ફ્રન્ટ કેમેરામાં 32 મેગાપિક્સલનું સેન્સર છે.
