અફઘાનિસ્તાનમાં નવી તાલિબાન સરકારના ઉચ્ચ શિક્ષણ મંત્રીએ કહ્યું છે કે મહિલાઓ યુનિવર્સિટીમાં અભ્યાસ કરી શકે છે, જેમાં અનુસ્નાતક (પીજી) અભ્યાસક્રમોનો સમાવેશ થાય છે, પરંતુ વર્ગો લિંગના આધારે વહેંચવા જોઈએ અને ઇસ્લામિક ડ્રેસ પહેરવા ફરજિયાત રહેશે.મંત્રી અબ્દુલ બાકી હક્કાનીએ રવિવારે આ નવી નીતિઓની રૂપરેખા રજૂ કરી હતી આના થોડા દિવસો પહેલા જ અફઘાનિસ્તાનના નવા શાસકોએ એક સંપૂર્ણ તાલિબાન સરકાર બનાવવાની જાહેરાત કરી હતી, જેમાં એક પણ મહિલા સભ્ય નથી.
તાલિબાને કહ્યું છે કે તે મહિલાઓ પ્રત્યેના તેના વલણ સહિત બદલાયું છે. જો કે, તાજેતરના દિવસોમાં તે સમાન અધિકારોની માંગણી કરતી મહિલા પ્રદર્શનકારીઓ સામે હિંસા ફેલાવી રહયા છે.યુનિવર્સિટીની મહિલા વિદ્યાર્થીઓને તાલિબાન તરફથી કેટલાક પ્રતિબંધોનો સામનો કરવો પડશે, જેમાં ફરજિયાત ડ્રેસ કોડનો પણ સમાવેશ થાય છે. હક્કાનીએ જણાવ્યું હતું કે મહિલા વિદ્યાર્થીઓએ હિજાબ પહેરવો પડશે, પરંતુ આ અંગે વિસ્તૃત માહિતી આપી નથી કે આનો અર્થ માત્ર માથાનો દુપટ્ટો પહેરવાનો છે કે પછી ચહેરો ઢાંકવાનો પણ ફરજિયાત રહેશે.
1990 ના દાયકાના અંતમાં પ્રથમ વખત સત્તા પર આવેલા તાલિબાન હવે કઈ હદ સુધી કામ કરી શકે છે તે વિશ્વ નજીકથી જોઈ રહ્યું છે. મહિલાઓને શિક્ષણથી વંચિત રાખવામાં આવી હતી અને જાહેર જીવનથી દૂર રાખવામાં આવી હતી
