ઈન્ડિયન પ્રીમિયર લીગ (IPL) ની સંચાલક સમિતિએ મંગળવારે નિર્ણય કર્યો કે લીગ તબક્કાની અંતિમ બે મેચ એક જ સમયે સાંજે 7.30 (ભારતીય સમય) થી શરૂ થશે. સામાન્ય રીતે ડબલ હેડરની એક મેચ (દિવસમાં બે મેચ) બપોરે અને બીજી સાંજે રમાય છે.
આ પણ વાંચો – IPL 2021 / ચાલુ મેચમાંં અશ્વિન-મોર્ગન વચ્ચે બબાલ, ફીરકી બોલરે બાદમાં આ રીતે લીધો બદલો, Video
અત્યાર સુધીનાં નિયમો અનુસાર બપોરની મેચ ભારતીય સમય પ્રમાણે બપોરે 3:30 વાગ્યે શરૂ થાય છે જ્યારે બીજી મેચ સાંજે 7.30 વાગ્યાથી રમાય છે. બંને મેચો સાંજે એક સાથે રમાશે જેથી બંને ટીમોને ગેરવાજબી ફાયદો ન થાય. BCCI નાં સચિવ જય શાહે એક રિલીઝમાં કહ્યું કે, IPL નાં ઈતિહાસમાં પ્રથમ વખત, ‘Vivo IPL 2021’ Playoffs પહેલાની અંતિમ બે લીગ મેચ એક સાથે રમાશે. સમયપત્રક મુજબ, અંતિમ બે મેચમાંથી એકમાં, સનરાઇઝર્સ હૈદરાબાદનો સામનો મુંબઇ ઈન્ડિયન્સ સાથે અને બીજી મેચમાં રોયલ ચેલેન્જર્સ બેંગ્લોરનો સામનો દિલ્હી કેપિટલ્સ સામે થશે. તેમણે કહ્યું, “વર્તમાન સીઝનનાં લીગ તબક્કાનાં અંતિમ દિવસે (08.10.2021) એક બપોરે મેચ અને એક સાંજે મેચ યોજવાને બદલે, બંને મેચ સાંજે 7.30 (ભારતીય સમય) થી એક સાથે રમાશે.”
આ પણ વાંચો – IPL 2021 / મંગળવારે રમાયેલી બન્ને મેચનાં પરિણામે કર્યો Point Table માં મોટો ફેરફાર
ઉલ્લેખનીય છે કે, IPL માં સામેલ થનારી બે નવી ટીમોની જાહેરાત 25 ઓક્ટોબરે કરવામાં આવશે, ત્યારબાદ 2023 થી 2027 સીઝન માટે મીડિયા અધિકારોનું ટેન્ડર બહાર પાડવામાં આવશે. તે સમજી શકાય છે કે હાલનાં અધિકારો ધારકો ‘સોની’ અને ‘ઝી’, જે તાજેતરમાં સ્ટાર સ્પોર્ટ્સમાં ભળી ગયા છે, તેઓ પણ મોટી રકમ સાથે બોલી લગાવશે. નોંધનીય છે કે BCCI એ છેલ્લી વખત 2015 માં નવી IPL ફ્રેન્ચાઈઝી માટે બોલી લગાવી હતી. રાજસ્થાન રોયલ્સ (RR) અને ચેન્નઈ સુપર કિંગ્સ (CSK) ને બે વર્ષ માટે સસ્પેન્ડ કરવામાં આવ્યા હતા. તેની જગ્યાએ રાઇઝિંગ પુણે સુપરજાયન્ટ્સ અને ગુજરાત લાયન્સ હતા. આપને જણાવી દઇએ કે, આગામી ફ્રેન્ચાઇઝી માટે સૌથી ઓછી બોલીની રકમ 2,000 કરોડ રૂપિયા નક્કી કરવામાં આવી છે. અમદાવાદ, લખનઉ, ગુવાહાટી અને કટક તેના દાવેદાર છે.
