કેન્દ્ર સરકારના કૃષિ કાયદા સામે આંદોલન કરી રહેલા ખેડૂત નેતા રાકેશે આજે ફરી એકવાર સરકાર પર આકરા પ્રહારો કર્યા છે. રાકેશ ટિકૈતે કહ્યું કે સરકારે ખેડૂતોના દરવાજા બંધ કર્યા છે અને લોકોના દરવાજા પણ સરકારે બંધ કરી દીધા છે, અમે કોઈ દરવાજા બંધ કર્યા નથી. ગાઝીપુર બોર્ડર પહોંચેલા ટિકૈતે કહ્યું કે અહીં દિવાળી મનાવવામાં આવશે, અહીં દીવા પ્રગટાવવામાં આવશે.
રાકેશ ટિકૈતે કહ્યું કે, “સરકાર દ્વારા ખેડૂતોના દરવાજા બંધ કરવામાં આવ્યા છે અને લોકોના દરવાજા પણ સરકારે બંધ કરી દીધા છે. અમે કોઈ દરવાજો બંધ કર્યો નથી. જો સંયુક્ત મોરચાનો નિર્ણય થશે તો અમે દિલ્હી તરફ જઈશું. શું પોલીસના ટેન્ટ હટાવી દેવામાં આવ્યા છે, શું તમામ બેરિકેડ હટાવી દેવામાં આવ્યા છે?
વધુ આંદોલનના પ્રશ્ન પર રાકેશ ટિકૈતે કહ્યું, “સંસદમાં મંડી થશે, સુપ્રીમ કોર્ટ પણ નજીક છે અને સંસદ પણ. અહીંનું બજાર ધીમે-ધીમે બંધ થઈ ગયું છે, તેથી આશા છે કે દિલ્હીમાં ભાવ સારા રહેશે.” તેમણે રસ્તો રોકવા માટે ભારત સરકારને દોષી ઠેરવ્યો.
ટિકૈતે વધુમાં કહ્યું કે, “સરકારને 26 નવેમ્બર સુધીનો સમય આપવામાં આવ્યો છે, નહીં તો અમે અમારા ટેન્ટ રિપેરિંગ પણ કરાવીશું. હજુ 6 મહિનાની તૈયારી કરીશ, પાછા જઈને શું કરશુ?” તેમણે કહ્યું કે જ્યાં સુધી કાળા કાયદાઓના અંતિમ સંસ્કાર ન કરીએ ત્યાં સુધી પાછા કેવી રીતે જઇશું.
રાકેશ ટિકૈતે સરકાર પર ગુંડાગીરીનો આરોપ લગાવ્યો હતો. ટિકૈતે કહ્યું, “ઉત્તર પ્રદેશમાં હિંદુ મુસ્લિમ, રાજસ્થાનમાં જાટ બિન-જાટ, મહારાષ્ટ્રમાં મરાઠા બિન-મરાઠા, હરિયાણામાં ચૌટાલા પરિવાર તૂટ્યો, બિહારમાં લાલુ પરિવાર તૂટી ગયો, ઉત્તર પ્રદેશમાં મુલાયમ સિંહ યાદવનો પરિવાર તૂટી ગયો. જો આરએસએસનો માણસ ક્યાંક પ્રવેશે છે, તો તે પરિવારને તોડી નાખે છે.
