ચેન્નાઈ અને તમિલનાડુનાં અનેક જિલ્લાઓ ભારે વરસાદને કારણે ત્રસ્ત છે. રાજધાની ચેન્નાઈનાં રસ્તાઓ પર પાણી ભરાઇ ગયુ છે. વૃક્ષો પડી ગયા છે. NDRFની ટીમો રસ્તો સાફ કરવામાં વ્યસ્ત છે. રાહત અને બચાવ કાર્ય પણ કરવામાં આવી રહ્યું છે. દરમિયાન, એક મહિલા નિરીક્ષક, ફિલ્મનાં મુખ્ય અભિનેતાની જેમ, એક બેભાન માણસને તેના ખભા પર બેસાડીને રિક્ષા સુધી લઈ ગઇ અને તેને નજીકની હોસ્પિટલ સુધી પહોંચાડવામાં મદદ કરી.
આ પણ વાંચો – ડ્રગ્સ કેસ / નવાબ મલિકની પુત્રીએ ડ્રગ્સ મામલે પૂર્વ મુખ્યમંત્રી ફડણવીસને મોકલી નોટિસ,માફી માંગે નહિતર માનહાનિ કેસ
બુધવારે ચેન્નાઈનાં રસ્તાઓ પર આ દ્રશ્ય જોયા બાદ દરેક લોકો લેડી ઈન્સ્પેક્ટરનાં વખાણ કરી રહ્યા છે. તમિલનાડુનાં ટીપી ચેતરામ પોલીસ સ્ટેશનના આ ઈન્સ્પેક્ટરનું નામ રાજેશ્વરી જણાવવામાં આવ્યું છે. ન્યૂઝ એજન્સી ANIએ ટ્વિટર પર એક વીડિયો શેર કર્યો છે, જેમાં જોવા મળે છે કે ઈન્સ્પેક્ટર રાજેશ્વરી એક બેભાન વ્યક્તિને પોતાના ખભા પર ઉઠાવે છે. તે આસપાસનાં રાહત અને બચાવ કાર્યમાં લાગેલા સૈનિકો અને સ્થાનિક લોકોને કેટલીક સૂચનાઓ પણ આપી રહી છે. પહેલા તેને કારની ડેકીમાં રાખવાનો પ્રયાસ કરવામાં આવે છે, પરંતુ ઈન્સ્પેક્ટર રાજેશ્વરીએ કહ્યું કે તેને લઈ જવામાં થોડી સમસ્યા થઈ શકે છે. આ પછી, તે આ વ્યક્તિને તેના ખભા પર લઈને રસ્તાની વચ્ચે દોડવા લાગે છે. તે કહે છે કે તેને ઓટોમાં લઈ જવા પડશે. ઈન્સ્પેક્ટર રાજેશ્વરી સાથે અન્ય એક વ્યક્તિ ચાલી રહી છે. થોડીવાર ચાલ્યા પછી રસ્તા પર એક ઓટો પાર્ક કરેલી દેખાય છે. ઈન્સ્પેક્ટર રાજેશ્વરીએ અન્ય લોકોની મદદથી બેભાન વ્યક્તિને ઓટોમાં બેસાડી અને તેને હોસ્પિટલ લઈ જવાની સૂચના આપી. આ લેડી ઈન્સ્પેક્ટરની બહાદુરી જોઈને સોશિયલ મીડિયા ટ્વિટર પર લોકો કહી રહ્યા છે કે – આ જ અસલી સૂર્યવંશી છે.
#WATCH | Chennai, Tamil Nadu: TP Chatram Police Station's Inspector Rajeshwari carries an unconscious man, on her shoulders, to an autorickshaw in a bid to rush him to a nearby hospital.
Chennai is facing waterlogging due to incessant rainfall here.
(Video Source: Police staff) pic.twitter.com/zrMInTqH9f
— ANI (@ANI) November 11, 2021
આ પણ વાંચો – વિવાદાસ્પદ નિવેદન / કંગનાએ કહ્યું 1947માં મળેલી આઝાદીએ ભીખ હતી,વાસ્તવિક આઝાદી 2014માં મળી,વરૂણ ગાંધીએ કર્યો પલટવાર
આપને જણાવી દઇએ કે, ગુરુવારે તમિલનાડુનાં ઘણા વિસ્તારોમાં ભારે વરસાદ પડ્યો હતો, જેના કારણે ચેન્નાઈનાં ઘણા વિસ્તારોમાં પૂર જેવી સ્થિતિનું નિર્માણ થયુ હતુ. મીડિયા રિપોર્ટ્સ અનુસાર ટીપી છત્રમ વિસ્તારમાં ભારે વરસાદને કારણે અનેક વૃક્ષો ધરાશાયી થયા છે. આ દરમિયાન ક્રાબિસ્તાનમાં હાજર આ વ્યક્તિ આ ઝાડની ચપેટમાં આવી ગયો હતો. પોલીસને માહિતી મળતા જ પોલીસ ઈન્સ્પેક્ટર રાજેશ્વરી પહોંચ્યા અને લોકોની મદદથી ઝાડ નીચે દબાયેલા વ્યક્તિને બહાર કાઢ્યો. આ પછી રાજેશ્વરીએ તે વ્યક્તિને ઉઘાડા પગે પોતાના ખભા પર ઊંચકીને ઓટોમાં બેસાડી અને હોસ્પિટલ લઈ ગયા.
