રાજસ્થાનના ભૂતપૂર્વ નાયબ મુખ્ય પ્રધાન સચિન પાયલોટે રવિવારે મોદી સરકાર પર દેશને અંધકારમાં ધકેલવાનો આરોપ લગાવતા કહ્યું કે તેની નીતિ અને ઈરાદા બંને ખરાબ છે. જયપુરમાં મોંઘવારી સામે કોંગ્રેસની રેલીને સંબોધતા પાયલોટે કહ્યું કે ખાદ્યપદાર્થોની વધતી કિંમતો સામાન્ય માણસ પર પ્રતિકૂળ અસર કરી રહી છે.
તેમણે કહ્યું હતું કે કેન્દ્રે મોંઘવારી રોકવા માટે એ જ રીતે કામ કરવું જોઈએ જે રીતે તેણે કૃષિ કાયદાઓ પાછા ખેંચ્યા હતા. “તમે (ભાજપ) કાયમ માટે દેશની ગાદી પર બેસશો નહીં. રેલી જોઈને કેન્દ્ર સરકારે જાણે ખેડૂતો સામે માથું નમાવ્યું હોય તેમ નમવું પડશે.
તેમણે કહ્યું કે ભાજપ ધર્મ અને જાતિના નામે લોકોને વહેંચીને વોટ માંગે છે, પરંતુ દેશની જનતા હવે પરિવર્તન ઈચ્છે છે. સચિન પાયલટે કહ્યું કે માત્ર કોંગ્રેસ પાર્ટી જ ભાજપને પડકાર આપી શકે છે. આ કેન્દ્ર સરકારના દિવસો પૂરા થઈ ગયા છે. દેશમાં મોંઘવારી ઘટાડવા સરકારને દબાણ કરીશું. કોંગ્રેસ નેતા રાહુલ ગાંધી અને પાર્ટીના અન્ય લોકોએ પણ રેલીને સંબોધી હતી.
ઉલ્લેખનીય છે કે, રાજસ્થાનની રાજધાની જયપુરમાં રવિવારે કોંગ્રેસની મોટી રેલી હતી. કોંગ્રેસ કોંગ્રેસ અધ્યક્ષ સોનિયા ગાંધી, રાહુલ ગાંધી અને મહાસચિવ પ્રિયંકા ગાંધી વાડ્રા આ રેલીમાં સામેલ થયા હતા. સોનિયા ગાંધી લાંબા સમય પછી રેલીમાં દેખાયા. રાજકીય પંડિતોના મતે આ રેલી રાહુલ ગાંધીને રિલોન્ચ કરવા માટે કરવામાં આવી છે. આ જ કારણ હતું કે રેલી પહેલા પ્રિયંકાએ મોટા નેતાઓ સાથેનો નાસ્તો રદ્દ કરી દીધો હતો. આ રેલીમાં લાખોની ભીડ હોવાનો દાવો કરવામાં આવી રહ્યો છે. રેલીને સફળ બનાવવા કોંગ્રેસ પક્ષે પોતાની સંપૂર્ણ તાકાત લગાવી દીધી હતી.
કટ્ટરપંથી વિચારધારા / પાકિસ્તાનની મદરેસાઓમાં ધર્મનિંદા કરનારાઓનું માથું કાપવાનું શીખવવામાં આવે છે, વીડિયો આવ્યો સામે
World / ભારતે અફઘાનો માટે મોકલી ‘સંજીવની’, તાલિબાને કહ્યું, –
થાપણદારો પ્રથમ / PM મોદીનું બેંક ડિપોઝીટ ઇન્સ્યોરન્સ પ્રોગ્રામમાં મોટી જાહેરાત, બેંક ડૂબી તો પણ આટલી રકમ રહેશે સુરક્ષિત
7મું પગાર પંચ /કેન્દ્રીય કર્મચારીઓને નવા વર્ષમાં જબરદસ્ત ભેટ મળશે, DA, HRA વધશે…
SBI એલર્ટ /શનિવાર અને રવિવારે 300 મિનિટ માટે ઈન્ટરનેટ બેન્કિંગ રહેશે બંધ, જાણો કારણ…
