USA News : અમેરિકાના લોસ એન્જલસ (Los Angeles) શહેરમાં લાગેલી આગમાં ભયંકર તબાહી મચી ગઈ છે. આગના કારણે મૃત્યુઆંક 26 પર પહોંચી ગયો છે અને હજારો ઘરો ધરાશાયી થયા છે.ચિંતાજનક બાબત એ છે કે હવામાનશાસ્ત્રીઓએ આ અઠવાડિયે પવનનું જોર વધુ વધવાની આગાહી કરી છે, જેને જોતા ફાયર બ્રિગેડની (Fire brigade) ટીમોએ આગ ઓલવવાના પ્રયાસો તેજ કર્યા છે. અધિકારીઓએ (Officers) જણાવ્યું કે ઓછામાં ઓછા 16 લોકો ગુમ છે અને તેમની સંખ્યા વધી શકે છે.

આગ વધુ મજબૂત બનશે

આગને કારણે નેશનલ વેધર સર્વિસે ચેતવણી જાહેર કરી છે. નેશનલ વેધર સર્વિસે આ વિસ્તારમાં 80 કિલોમીટર પ્રતિ કલાકની ઝડપે પવન ફૂંકવાની આગાહી કરી છે, જ્યારે પર્વતીય વિસ્તારોમાં પવનની ઝડપ 113 કિલોમીટર પ્રતિ કલાકની છે. હવામાનશાસ્ત્રી રિચ થોમ્પસને જણાવ્યું હતું કે મંગળવારે આગ વધુ તીવ્ર બનવાની ધારણા છે. લોસ એન્જલસ કાઉન્ટીના ફાયર ચીફ એન્થોની સી. મેરોને જણાવ્યું હતું કે આગ ઓલવવાના પ્રયાસોને વેગ આપવા 70 વધારાની પાણીની ટ્રકો આવી પહોંચી છે.

સ્થિતિ ભયંકર છે

લોસ એન્જલસ કાઉન્ટીના શેરિફ રોબર્ટ લુનાએ જણાવ્યું હતું કે પરિસ્થિતિ ભયંકર છે અને ઈટન વિસ્તારમાં આગમાં 12 લોકો અને પાલિસેડ્સમાં ચાર લોકો ગુમ થયા હોવાના અહેવાલ છે. લુનાએ જણાવ્યું હતું કે ઘણા વધુ લોકો ગુમ થયાની જાણ કરવામાં આવે છે અને અધિકારીઓ એ જાણવાનો પ્રયાસ કરી રહ્યા છે કે અત્યાર સુધીમાં મૃત્યુ પામેલા લોકોમાંથી કેટલા લોકો ગુમ થયાની જાણ કરવામાં આવી છે. આ દરમિયાન મૃત્યુઆંક વધીને 26 થયો છે.

મૃત્યુઆંક વધી શકે છે

લોસ એન્જલસ કાઉન્ટી કોરોનર ઓફિસે એક નિવેદનમાં જણાવ્યું હતું કે પાલિસેડસ વિસ્તારમાં આગમાં આઠ લોકોના મોત થયા હતા, જ્યારે ઈટન વિસ્તારમાં આગમાં 16 લોકોના મોત થયા હતા. અધિકારીઓએ મૃતકોની સંખ્યા વધવાની આશંકા વ્યક્ત કરી છે. સત્તાવાળાઓએ એક સેન્ટર બનાવ્યું છે જ્યાં ગુમ થયેલા લોકોની માહિતી નોંધાવી શકાય છે. અધિકારીઓ આગમાં ક્ષતિગ્રસ્ત અથવા નાશ પામેલા મકાનોનો ઓનલાઈન ડેટા તૈયાર કરી રહ્યા છે.

આ પણ વાંચો: લોસ એન્જલસમાં આગ કાબૂ બહાર, 10 હજારથી વધુ ઇમારતો નાશ પામી; 10 લોકોના થયા મોત

આ પણ વાંચો: લોસ એન્જલસમાં લાગેલી આગમાં 3 અબજ રૂપિયાનું આલીશાન મકાન બળી ગયું, વીડિયો વાયરલ

આ પણ વાંચો: લોસ એન્જલસના જંગલોમાં ભીષણ આગ, હોલીવુડની ઘણી હસ્તીઓના બંગલા બળીને રાખ; રાજ્યપાલે કટોકટી લાદી