દક્ષિણ આફ્રિકાનાં રાષ્ટ્રપતિ સિરિલ રામાફોસા (Cyril Ramaphosa) કોરોના સંક્રમિત થયા હોવાનુ સામે આવી રહ્યુ છે. કોરોના રિપોર્ટ પોઝિટિવ આવ્યા બાદ તેમણે પોતાને કેપટાઉનમાં આઈસોલેટ કરી લીધા છે. તેમને કોરોનાનાં હળવા લક્ષણો દેખાઇ રહ્યા છે, જે બાદ તેમની સારવાર કરવામાં આવી રહી છે. તેમણે આગામી સપ્તાહ માટે તેમની તમામ જવાબદારી ઉપરાષ્ટ્રપતિ ડેવિડ માબુઝા (David Mabuza)ને સોંપી દીધી છે.
આ પણ વાંચો – મુંબઈ / આ સ્ટ્રગલિંગ એક્ટ્રેસે કામવાળીને માર્યો ઢોર માર, કપડા ઉતારી બનાવ્યો Video
કોરોનાનો ખતરો હજુ ઓછો થયો નથી, વિશ્વભરમાં તેના નવા વેરિઅન્ટ ઓમિક્રોનનાં નવા કેસ નોંધાયા છે. ત્યારે દક્ષિણ આફ્રિકાનાં રાષ્ટ્રપતિ સિરિલ રામાફોસાને લઇને એક સમાચાર સામે આવ્યા છે, જેમા તે કોરોનાથી સંક્રમિત થયા હોવાનુ સામે આવ્યુ છે. રાષ્ટ્રપતિ કાર્યાલય દ્વારા આ માહિતી આપવામાં આવી છે, જેમાં કહેવામાં આવ્યું છે કે સિરિલ રામાફોસામાં કોરોનાનાં હળવા લક્ષણો હતા, ત્યારબાદ તેમનો કોરોના ટેસ્ટ કરવામાં આવ્યો હતો, જેમાં તે પોઝિટિવ જોવા મળ્યા છે. જે બાદ તેમની સારવાર ચાલી રહી છે. નોંધનીય છે કે દક્ષિણ આફ્રિકામાં રવિવારે એક જ દિવસમાં કોરોનાનાં 37875 નવા કેસ નોંધાયા છે અને તે જ દિવસે રાષ્ટ્રપતિ પણ સંક્રમિત હોવાનું જાણવા મળ્યું છે.
PRESIDENT RAMAPHOSA TESTS POSITIVE FOR COVID-19
President @CyrilRamaphosa is receiving treatment for mild COVID-19 symptoms after testing positive for the viral infection today, Sunday, 12 December 2021.
— The Presidency 🇿🇦 (@PresidencyZA) December 12, 2021
આ પણ વાંચો – સાવધાન! / આંધ્રપ્રદેશ અને ચંદીગઢ બાદ હવે આ રાજ્યમાં નોંધાયો ઓમિક્રોનનો પ્રથમ કેસ
દક્ષિણ આફ્રિકાનાં સરકારનાં પ્રધાન મોન્ડાલી ગુંનગુબલેએ જણાવ્યું હતું કે એક કાર્યક્રમમાં હાજરી આપ્યા બાદ રાષ્ટ્રપતિની તબિયત બગડવા લાગી હતી. પરંતુ તે હવે સારી સ્થિતિમાં છે. રાષ્ટ્રપતિ કોરોનાની રસીથી સંપૂર્ણપણે સુરક્ષિત છે, તેમણે કેપટાઉનમાં પોતાને અલગ કરી લીધા છે અને આગામી એક સપ્તાહ માટે તેમની તમામ જવાબદારી ઉપરાષ્ટ્રપતિ ડેવિડ માબુઝાને સોંપી દીધી છે.
