થોડા દિવસો પહેલા, યુએસ ફેડરલ બ્યુરો ઑફ ઇન્વેસ્ટિગેશન અને ડિપાર્ટમેન્ટ ઑફ જ્યુરિડિક્શન દ્વારા સંયુક્ત કાર્યવાહીમાં અંડરવર્લ્ડ સુરેશ પૂજારીની ફિલિપાઇન્સમાંથી ધરપકડ કરવામાં આવી હતી.
ભારતીય એજન્સીઓ મુંબઈના અંડરવર્લ્ડના મોટા નામ સુરેશ પૂજારી ઉર્ફે સતીશ પાઈને પરત લાવવામાં સફળ રહી છે. સુરેશ પૂજારીને અમેરિકાથી સીધો દિલ્હી લાવવામાં આવ્યો છે. અગાઉ પુજારીની ખરાબ તબિયતને કારણે ભારતીય એજન્સી તેને ભારત લાવવામાં સફળ થઈ શકી ન હતી.
થોડાં વર્ષો પહેલાં સુરેશ પૂજારી મુંબઈ, થાણે, કલ્યાણ, ઉલ્હાસનગર, ડોમ્બિવલી અને કર્ણાટક જેવા શહેરોમાં ખંડણીની પ્રવૃત્તિઓ કરતો હતો. આ સિવાય તે લોકોને ધમકીભર્યા ફોન પણ કરતો હતો. ફિલિપાઈન્સમાં તેની ધરપકડ બાદ ઘણા વેપારીઓ, હોટેલીયર્સ, દારૂ વેચનારા અને કેબલ ઓપરેટરોએ રાહતનો શ્વાસ લીધો હતો.
48 વર્ષીય પુજારી 2007થી ભારતની બહાર છે અને મુંબઈ પોલીસને વર્ષ 2020માં માહિતી મળી હતી કે તે હાલમાં ફિલિપાઈન્સમાં છુપાયેલો છે. સૂત્રોના જણાવ્યા અનુસાર, પૂજારી તેની ગર્લફ્રેન્ડ સાથે ફિલિપાઈન્સના ખૂબ જ હાઈ પ્રોફાઈલ વિસ્તારમાં રહેતો હતો અને તે ભાગ્યે જ ઘરની બહાર નીકળતો હતો
