હાલમાં હવામાન વિભાગે ફરી એકવાર જમ્મુ-કાશ્મીરમાં ભારે હિમવર્ષા થવાની સંભાવના વ્યક્ત કરી છે. વિભાગનું કહેવું છે કે આગામી 24 કલાકમાં વેસ્ટર્ન ડિસ્ટર્બન્સ જમ્મુ-કાશ્મીર તરફ આગળ વધશે. જેના કારણે હવામાનમાં ફેરફાર સાથે તાપમાનમાં ઘટાડો નોંધાશે. જે અંતર્ગત IMD એ કેન્દ્રશાસિત પ્રદેશમાં 7 અને 8 જાન્યુઆરી માટે ઓરેન્જ એલર્ટ જાહેર કર્યું છે. જમ્મુ-કાશ્મીરના મેદાની વિસ્તારોમાં મોટા ભાગના સ્થળોએ હળવો વરસાદ થઈ રહ્યો છે. કટરા પ્રદેશના કેટલાક અન્ય સ્થળોએ પણ વરસાદ પડી રહ્યો છે.
આ પણ વાંચો:સુરક્ષામાં ચૂક / હવે ઉત્તરાખંડના પૂર્વ CM ની સુરક્ષામાં થઈ ચૂક, મંચ પર ચાકુ લઈને પહોંચ્યો વ્યક્તિ
મનાલી- બુધવારે સાંજે મનાલીમાં હિમવર્ષા થવાને કારણે ત્યાં જતા રસ્તા પર ટ્રાફિકની સમસ્યા સર્જાઈ છે. તેમજ ટ્રાફિક જામને કારણે મહિલાઓ અને બાળકો સહિત સેંકડોની સંખ્યામાં પ્રવાસીઓએ રોડ પર રાત પસાર કરવી પડી હતી. લગભગ 20 ટૂરિસ્ટ બસ સહિત મોટી સંખ્યામાં વાહનો કુલ્લુ અને મનાલી વચ્ચેના રસ્તામાં ફસાયા હતા. ઉલ્લેખનીય છે કે 10 સેન્ટીમીટર હિમવર્ષાને કારણે લોકો રસ્તા પર રાત પસાર કરવા મજબૂર બન્યા હતા.
આ પણ વાંચો:હળવદ / તમારાથી થાય તે કરી લો ! પંચાયતનાં કોમ્પ્યુટર ઓપરેટરનો ગ્રામજનો ઉપર રોફ
ભારે હિમવર્ષાને કારણે રોડ અને હાઈવે પરથી બરફ હટાવવા માટે સૈનિકો અને મશીનરી તૈનાત કરવામાં આવી છે. ગુરુવારે પણ, ઓછી વિઝિબિલિટીને કારણે સવારના કલાકોમાં ઘણી ફ્લાઇટ્સ શ્રીનગર એરપોર્ટ પરથી ન તો ઉતરી શકી કે ન તો ટેકઓફ કરી શકી. જો કે હવામાનમાં સુધારો થતાં એરપોર્ટ પર ફ્લાઈટ સેવા શરૂ થઈ હતી. કાશ્મીરમાં ચિલ્લાઇ કલાનનો યુગ ચાલુ છે. ચિલ્લાઇ કલાન એ સમયગાળો કહેવાય છે જેમાં તે ખૂબ જ ઠંડી હોય છે. આ લગભગ 40 દિવસનો સમય છે, જેમાં ખૂબ જ તીવ્ર ઠંડી હોય છે. ઝાકળ જામવા લાગે છે અને કાશ્મીરમાં બધે બરફ દેખાય છે.