AIMIM ચીફ અસદુદ્દીન ઓવૈસીના ટ્વિટર હેન્ડલ પરથી રવિવારે એક ટ્વીટ કરવામાં આવી હતી. ટ્વીટમાં ઓવૈસીનો એક વીડિયો છે જેમાં તેઓ જનસભામાં જનતાને સંબોધિત કરી રહ્યા છે. વીડિયોમાં ઓવૈસી કહી રહ્યા છે કે હું કોઈનો ગુલામ નથી, હું ટોપી પણ પહેરીશ અને દાઢી પણ રાખીશ અને મારી દીકરી પણ હિજાબ પહેરશે. વાસ્તવમાં, આ વીડિયો ક્યારે અને ક્યાંનો છે તે અંગે કંઈ સ્પષ્ટ થયું નથી.
વીડિયોમાં ઓવૈસી કહી રહ્યા છે કે તમને મારી દાઢી પસંદ નથી, ભલે ના હોય, હું દાઢી રાખીશ, મારા માથા પરની ટોપી તને ગમતી નથી, હું ટોપી પહેરીશ. તમને હિજાબ પસંદ નથી, મારી દીકરી હિજાબ પહેરશે તો મને કોઈ વાંધો નથી. શું હું તમારો ગુલામ છું… શું હું તમારો કેદી છું. હું તમારા કહેવા પર બેસીશ? શું હું તમારા આદેશ ને અનુસરીશ. ? ના… આપણે ગરદન નમાવીએ તો આપણા કરીમ સામે. અમે અમારા જીવનનો સોદો કર્યો છે. દુનિયામાં રહીશું તો ભારતના બંધારણ હેઠળ.
मैं किसी का ग़ुलाम नहीं हूं, मैं टोपी भी पहनूंगा और दाढ़ी भी रखूंगा और मेरी बेटी भी हिजाब पहनेगी। pic.twitter.com/S1z5pSbjah
— Asaduddin Owaisi (@asadowaisi) February 20, 2022
ઓવૈસીના આ નિવેદનને કર્ણાટકની એક કોલેજથી શરૂ થયેલા હિજાબ વિવાદ સાથે જોડીને જોઈ શકાય છે. આ પહેલા 13 ફેબ્રુઆરીએ ઓવૈસીએ એક ટ્વિટ કર્યું હતું. એક વીડિયો ટ્વીટ કરતા ઓવૈસીએ કેપ્શનમાં લખ્યું, ‘ઈંશા અલ્લાહ એક દિવસ હિજાબી વડાપ્રધાન બનશે.’
ટ્વિટ કરાયેલા વીડિયોમાં ઓવૈસી કહી રહ્યા છે કે, ‘અમે અમારી દીકરીઓની ઇચ્છા મુજબ તે કહે છે કે, અબ્બા-અમ્મી નક્કી કરે કે હું હિજાબ પહેરીશ. તો અમ્મા-અબ્બા કહેશે- દીકરા પહેર, અમે જોઈશું કે તને કોણ રોકે છે. હિજાબ પહેરીને કોલેજ પણ જશે, કલેક્ટર પણ બનશે, બિઝનેસમેન પણ બનશે, SDM પણ બનશે અને એક દિવસ આ દેશની બાળકી હિજાબ પહેરીને વડાપ્રધાન પણ બનશે.
વાસ્તવમાં, દેશમાં હિજાબને લઈને વિવાદ કર્ણાટકના ઉડુપીની એક યુનિવર્સિટીથી શરૂ થયો હતો. કોલેજમાં છ વિદ્યાર્થીનીઓ હિજાબ પહેરીને ક્લાસમાં આવી હતી. આ પછી કુંદાપુર અને બિંદુરની કેટલીક અન્ય કોલેજોમાં પણ આવા જ કિસ્સા સામે આવ્યા હતા. રાજ્યમાં એવી ઘણી ઘટનાઓ બની છે જ્યાં મુસ્લિમ વિદ્યાર્થિનીઓને હિજાબ પહેરીને કૉલેજ કે ક્લાસમાં જવાની મંજૂરી ન હતી, જેના કારણે વિવાદ થયો હતો. હાલ મામલો સુપ્રીમ કોર્ટમાં પહોંચ્યો છે.
માંગરોળ / પાકિસ્તાનની નાપાક હરકત, 5 બોટ સાથે 30 માછીમારોનું અપહરણ
Election Effect / સુરતના કાપડ બજાર પર વિધાનસભાની ચૂંટણીની અસર, કારીગરો પોતાના વતન પહોંચ્યાં
Ukraine Crisis / ભારતીય વિદ્યાર્થીઓને તાત્કાલિક યુક્રેન છોડવા સૂચન, રશિયા-યુક્રેન તણાવ ચરમસીમાએ
