રાજધાની દિલ્હીમાં, એક મહિલાએ કથિત રીતે તેના પતિથી છૂટકારો મેળવવા માટે તેના પ્રેમી સાથે મળીને તેની હત્યા કરી દીધી જે તેના ગેરકાયદેસર સંબંધોમાં અવરોધ ઉભો કરી રહ્યો હતો. હત્યા માટે 20 લાખ રૂપિયાની સોપારી આપવામાં આવી હતી. પોલીસે આરોપી મહિલા અને તેના પ્રેમી સહિત કુલ સાત લોકોની ધરપકડ કરી છે.

આ પણ વાંચો: લગ્નના 3 દિવસ પહેલા યુવતીનું અપહરણ કરીને 21 દિવસ સુધી ગેંગરેપ, બીજેપીના મંડળ પ્રમુખ પર લગાવ્યો આરોપ

પોલીસે મંગળવારે જણાવ્યું કે, ધરપકડ કરાયેલા તમામ આરોપીઓની ઓળખ સીમા, ગૌરવ ટિયોટિયા, રિંકુ પંવાર , સૌરભ ચૌધરી , પ્રશાંત , પરવિંદર , વિશન કુમાર તરીકે થઈ છે. આ તમામ ધરપકડો રોહિણીના હેલિપોર્ટ રોડ પર પ્રદીપનો મૃતદેહ મળ્યાના એક દિવસ બાદ કરવામાં આવી છે, એમ પોલીસે જણાવ્યું હતું.

પોલીસે જણાવ્યું હતું કે, પ્રદીપ રોહિણીના રિથાલાનો રહેવાસી હતો અને તેની પત્ની સીમાને છેલ્લા આઠ વર્ષથી ગૌરવ સાથે ગેરકાયદેસર સંબંધો હતા અને તે તેની સાથે રહેવા માંગે છે. સીમાને તેના પ્રેમી સાથે રહેવા માટે તેના પતિથી છૂટકારો મેળવવો પડ્યો હતો. આ માટે સીમા અને ગૌરવે મળીને પ્રદીપની હત્યા કરવાનો પ્લાન બનાવ્યો હતો. ગૌરવે હત્યા માટે તેના પાંચ સહયોગી સાથે ચાર-ચાર લાખ રૂપિયાનો કરાર કર્યો હતો.

ડેપ્યુટી કમિશનર ઓફ પોલીસ પ્રણવ તાયલે જણાવ્યું કે, સોમવારે હેલીપોર્ટ રોડ પર એક મૃતદેહ પડેલો હોવાની માહિતી મળતાં જ પોલીસની એક ટીમ ઘટનાસ્થળે પહોંચી હતી. મૃતકની ઓળખ પ્રદીપ તરીકે થઈ હતી. તેના શરીરના મહત્વપૂર્ણ ભાગો પર ગોળી વાગી હતી. તેને બાબાસાહેબ આંબેડકર હોસ્પિટલમાં લઈ જવામાં આવ્યો, જ્યાં ડોક્ટરોએ તેને મૃત જાહેર કર્યો.

આ પછી પોલીસે હત્યા અને આર્મ્સ એક્ટની અન્ય સંબંધિત કલમોનો કેસ નોંધીને આ અંગે તપાસ શરૂ કરી છે. મૃતક અને શકમંદોના કોલ ડિટેઈલ રેકોર્ડની તપાસ કરવા સાથે પોલીસે બાતમીદારોને પણ કામે લગાવ્યા હતા.

ડીસીપીએ કહ્યું કે, પ્રદીપના કેટલાક મિત્રો અને પરિવારના સભ્યોની પૂછપરછ કરવામાં આવી હતી. આ પછી આરોપીઓના લોકેશન દેવલી ખાનપુર, સુલતાનપુરી અને ગૌતમ બુદ્ધ નગરમાં ટ્રેસ કરવામાં આવ્યા હતા. તાત્કાલિક કાર્યવાહી કરતા પોલીસની ટીમે તમામ આરોપીઓને પકડી લીધા હતા.

અધિકારીએ જણાવ્યું હતું કે, પૂછપરછ દરમિયાન જાણવા મળ્યું હતું કે, ગૌરવ અને મૃતકની પત્ની વચ્ચે ગેરકાયદેસર સંબંધો હતા અને તેઓ સાથે રહેવા માંગતા હતા, તેથી ગૌરવ અને મહિલાએ પ્રદીપની હત્યા કરવાનું નક્કી કર્યું હતું. આરોપીઓ પાસેથી બે બાઇક, ત્રણ દેશી બનાવટની પિસ્તોલ, 10 જીવતા કારતૂસ અને મોબાઈલ ફોન મળી આવ્યા છે.

આ પણ વાંચો: અભિનેત્રી સાથે જબરદસ્તીથી પોર્ન શૂટ કરનારા ચાર આરોપીઓની કરાઈ ધરપકડ

આ પણ વાંચો:લદ્દાખમાં ભૂકંપના આંચકા અનુભવાયા, રિક્ટર સ્કેલ પર 4.3ની તીવ્રતા