પુણેમાં મહારાષ્ટ્ર વિધાનસભામાં વિપક્ષના નેતા દેવેન્દ્ર ફડણવીસના કાફલા પર ચપ્પલ ફેંકવા બદલ એક અજાણ્યા વ્યક્તિ વિરુદ્ધ કેસ નોંધવામાં આવ્યો છે. એક અધિકારીએ મંગળવારે જણાવ્યું કે, આ ઘટના રવિવારે બની હતી જ્યારે દેવેન્દ્ર ફડણવીસ પિંપરી-ચિંચવાડના પૂર્ણા નગરમાં ભારત રત્ન અટલ બિહારી વાજપેયી ઉદ્યાનનું ઉદ્ઘાટન કરવા આવ્યા હતા.
પૂર્વ મુખ્ય પ્રધાનના આગમનના થોડા સમય પહેલાં, ભાજપ અને એનસીપીના કેટલાક કાર્યકરો સ્થળ પર અથડામણ કરી હતી, જેના પગલે પોલીસે હળવો લાઠીચાર્જ કરવો પડ્યો હતો. પોલીસના જણાવ્યા અનુસાર, જ્યારે ફડણવીસ સ્થળ પર પહોંચ્યા ત્યારે ભીડમાંથી કોઈએ કથિત રીતે તેમના કાફલા પર ચપ્પલ ફેંક્યું હતું.
ચીખલી પોલીસ સ્ટેશનના એક અધિકારીએ જણાવ્યું હતું કે, “અમે એક અજાણ્યા વ્યક્તિ વિરુદ્ધ ભારતીય દંડ સંહિતાની સંબંધિત કલમો હેઠળ કેસ નોંધ્યો છે.” રાષ્ટ્રવાદી કોંગ્રેસ પાર્ટી (એનસીપી) ના કાર્યકરો આક્ષેપ સાથે સ્થળ પર પહોંચ્યા હતા કે ભાજપના નેતાઓ પાર્કનું ઉદ્ઘાટન કરી રહ્યા હોવા છતાં, તેનું કામ હજુ પણ અધૂરું છે.
આ પણ વાંચો : ITBPની આ શક્તિશાળી મહિલા જવાનો આવા દુર્ગમ વિસ્તારમાં કરે છે દેશની સુરક્ષા, જુઓ આ વીડિયો…
આ પણ વાંચો :વડાપ્રધાન નરેન્દ્ર મોદીએ વિશ્વ મહિલા દિવસે નારી શક્તિને નમન કર્યું
આ પણ વાંચો :દેશમાં કોરોનાના કેસમાં સતત ઘટાડો,એક દિવસમાં કોરોનાના નવા 3 હજારથી વધુ કેસ,66 દર્દીઓના મોત