IPL 2022માં અત્યાર સુધીમાં 15 મેચ રમાઈ છે અને આ દરમિયાન કોલકાતા નાઈટ રાઈડર્સ પોઈન્ટ ટેબલમાં ટોચ પર છે. KKR અને લખનૌ સુપર જાયન્ટ્સના 6-6 પોઈન્ટ છે. પરંતુ નેટ રન રેટના મામલે લખનૌ KKRથી પાછળ છે. આ સિઝનમાં અત્યાર સુધી સૌથી વધુ રન બનાવનાર ટોચના ત્રણ ખેલાડીઓ પર નજર કરીએ તો આશ્ચર્યજનક સંયોગ જોવા મળે છે. આ સિઝનમાં અત્યાર સુધીમાં સૌથી વધુ રન બનાવનાર ટોચના ત્રણ ખેલાડીઓ ઓપનર તેમજ વિકેટ-કીપર બેટ્સમેન છે.
આ સિઝનમાં અત્યાર સુધીમાં સૌથી વધુ રન બનાવવાનો રેકોર્ડ જોસ બટલરના નામે છે. આ સિઝનની ઓરેન્જ કેપ હાલમાં બટલર પાસે છે. તેણે શાનદાર બેટિંગ કરતા 3 મેચમાં કુલ 205 રન બનાવ્યા છે. બટલરે આ દરમિયાન 14 ચોગ્ગા અને 14 છગ્ગા ફટકાર્યા છે.
રસપ્રદ વાત એ છે કે આ સિઝનમાં અત્યાર સુધીમાં સૌથી વધુ રન બનાવનાર ટોચના ત્રણ ખેલાડીઓ ઓપનર ઉપરાંત વિકેટ કીપર બેટ્સમેન છે. આ યાદીમાં ઈશાન કિશન બીજા સ્થાને છે. મુંબઈના ઈશાને અત્યાર સુધી 3 મેચ રમી છે અને 149 રન બનાવ્યા છે. આ દરમિયાન તેણે 17 ફોર અને 3 સિક્સર ફટકારી છે.
આ યાદીમાં લખનૌ સુપર જાયન્ટ્સ ખેલાડી ક્વિન્ટન ડી કોક ત્રીજા સ્થાને છે. તેણે 4 મેચમાં 149 રન બનાવ્યા છે. ડી કોકે તાજેતરમાં દિલ્હી કેપિટલ્સ સામે 80 રનની શાનદાર ઇનિંગ રમી હતી. ડી કોકે અત્યાર સુધીમાં 19 ફોર અને 2 સિક્સર ફટકારી છે.
