ચાઇના ઇસ્ટર્ન એરલાઇન્સનું વિમાન ક્રેશ થયું હતું આ મામલ તપાસ થઇ રહી હતી તેનો રિપોર્ટમાં ચોકાવનારો ખુલાસો થયો છે,વિમાનમાં કોઇ ટેકનિકલ ખામી જોવા મળી ન હતી.
ચાઇના ઇસ્ટર્ન એરલાઇન્સનું જેટ ફ્લાઇટના ડેક પર ઇરાદાપૂર્વકની કાર્યવાહીના પરિણામે ક્રેશ થયું હતું. રોઇટર્સના અહેવાલમાં સૂત્રોના હવાલાથી કહેવામાં આવ્યું છે કે વિમાનમાં ટેકનિકલ ખામીના કોઈ પુરાવા મળ્યા નથી.ઉલ્લેખનીય છે કે 21 માર્ચે એક બોઈંગ 737-800, જે કુનમિંગથી ગુઆંગઝૂ જઈ રહ્યું હતું. તે ગુઆંગસીના પહાડોમાં તૂટી પડ્યું હતું. આ પ્લેન લેન્ડિંગ વખતે અચાનક નીચે પડી ગયું હતું. આ દુર્ઘટનામાં વિમાનમાં સવાર તમામ 123 મુસાફરો અને 9 ક્રૂ મેમ્બર્સ માર્યા ગયા હતા.
આ દુર્ઘટના 28 વર્ષમાં ચીનની સૌથી ઘાતક વિમાન દુર્ઘટના હતી. અધિકારીઓએ જણાવ્યું હતું કે ઝડપી લેન્ડિંગ દરમિયાન, પાઇલોટ્સે એર ટ્રાફિક કંટ્રોલર્સ અને નજીકના એરક્રાફ્ટના વારંવારના કોલનો પણ જવાબ આપ્યો ન હતો. રોઇટર્સે સૂત્રોને ટાંકીને જણાવ્યું હતું કે તપાસકર્તાઓ એ નિર્ધારિત કરવા માટે પુરાવા શોધી રહ્યા છે કે શું અકસ્માત સ્વ-નુકસાનનું ઇરાદાપૂર્વકનું કૃત્ય હતું.આ મામલે હજી સુધી ચીનનો કોઇ જવાબ આવ્યો નથી.
