કોંગ્રેસના નેતા રાહુલ ગાંધીએ સોમવારે વડા પ્રધાન નરેન્દ્ર મોદીની સરકાર પર પ્રહાર કરતા આરોપ લગાવ્યો હતો કે, તેનું “અયોગ્ય શાસન” વિશ્વની સૌથી ઝડપથી વિકસતી અર્થવ્યવસ્થામાંની એકને કેવી રીતે બરબાદ કરી શકાય તેનું ઉદાહરણ હોઈ શકે છે.
દેશમાં આકરી ગરમીને જોતા વીજળીની વધતી માંગ વચ્ચે તેમણે આ ટ્વિટ કર્યું. કોંગ્રેસના ભૂતપૂર્વ વડાએ ટ્વીટ કર્યું, “વીજળી સંકટ, રોજગાર સંકટ, ખેડૂત સંકટ, મોંઘવારી સંકટ. વડા પ્રધાન મોદીનું આઠ વર્ષનું કુશાસન વિશ્વની સૌથી ઝડપથી વિકસતી અર્થવ્યવસ્થામાંની એકને કેવી રીતે બરબાદ કરી શકાય તેનું ઉદાહરણ બની શકે છે.
ગાંધી અને તેમની કોંગ્રેસ પાર્ટીએ વધતી મોંઘવારી અને બેરોજગારીને લઈને ભારતીય જનતા પાર્ટીના નેતૃત્વવાળી કેન્દ્ર સરકાર પર પ્રહારો તેજ કર્યા છે.
હકીકતમાં, દેશમાં આ સમયે સામાન્ય લોકો પર બેવડી મુશ્કેલી છે. મોટાભાગના રાજ્યોમાં જ્યાં ગરમી આકરી પડી રહી છે. સાથે જ વિજળીની અછતની સમસ્યા પણ સામે આવી છે. ઘણા રાજ્યોમાં લોડ શેડિંગના કારણે કલાકો સુધી વીજ પુરવઠો ખોરવાઈ જવાની ફરિયાદો છે. આ સ્થિતિ માટે બે કારણો છે. એક તો પાવર હાઉસમાં કોલસાના જથ્થામાં ઘટાડો અને બીજું, વધતી ગરમીને કારણે વીજળીની માંગ રેકોર્ડ સ્તરે પહોંચી ગઈ છે.
આ પણ વાંચો:જયંત ચૌધરી રાજ્યસભામાં જશે, સમાજવાદી પાર્ટીના સસ્પેન્સનો અંત આવ્યો; જાણો ડિમ્પલ યાદવનું શું થશે