ઈન્ડિયન પ્રીમિયર લીગમાં શાનદાર પ્રદર્શન કરનાર વેંકટેશ અય્યર એક અકસ્માતનો શિકાર બન્યો છે. મેચ રમતા સમયે તે ઈજાગ્રસ્ત થયો હતો. તેની ઈજા એટલી ગંભીર હતી કે જમીન પર પડી ગયો હતો અને જે બાદ એમ્બ્યુલન્સ બોલાવવી પડી હતી. તેને ગરદનમાં ઈજા થઈ હતી, જેના કારણે તેને તાત્કાલિક હોસ્પિટલમાં મોકલવા પડ્યો હતો.
હાલમાં વેંકટેશ દલીપ ટ્રોફી રમી રહ્યો છે. આ દરમિયાન તેની સાથે આ જીવલેણ અકસ્માત થયો હતો. વાસ્તવમાં વેંકટેશ અય્યર દલીપ ટ્રોફીમાં સેન્ટ્રલ ઝોન તરફથી રમી રહ્યો છે. ત્યારબાદ વેંકટેશ ટુર્નામેન્ટની એક મેચ દરમિયાન વેસ્ટ ઝોનના મીડિયમ પેસર ચિંતન ગજાના થ્રોથી ઘાયલ થયો હતો. ગાઝા બોલ અય્યરના માથા અને ખભા વચ્ચે ગયો. જેના કારણે તે જમીન પર પડી ગયો, તેને જોતા જ તમામ ખેલાડીઓ તેની તરફ દોડ્યા. બાદમાં તેમને એમ્બ્યુલન્સ મારફતે હોસ્પિટલ મોકલવામાં આવ્યો હતો.
Unpleasant scene here. Venkatesh Iyer has been hit on the shoulder as Gaja throws the ball defended ball back at the batter. Venkatesh is down on the ground in pain and the ambulance arrives. #DuleepTrophy pic.twitter.com/TCvWbdgXFp
— Dhruva Prasad (@DhruvaPrasad9) September 16, 2022
વાસ્તવમાં, વેંકટેશ અય્યર બેટિંગ કરી રહ્યો હતો ત્યારે કંઈક એવું બન્યું, તે સમયે તેણે ગજાના બોલ પર સિક્સર ફટકારીને પોતાનું ખાતું ખોલ્યું. જે બાદ આગલા બોલે તેણે સીધો શોટ રમ્યો હતો. આ વખતે બોલર ગજાએ બોલ કેચ કર્યો અને ઝડપથી બેટિંગ સાઇડ તરફ સ્ટમ્પ પર ફેંક્યો. પરંતુ બોલ વેંકટેશની ગરદન પર વાગ્યો. જે બાદ તે ઘાયલ થયો અને એમ્બ્યુલન્સ બોલાવવી પડી. જો કે, અય્યર ફરીથી બેટિંગ કરવા આવ્યો, પરંતુ તે માત્ર 14 રન બનાવી શક્યો. ફિલ્ડિંગ દરમિયાન અય્યરની જગ્યાએ અશોક મનેરિયાને મેદાનમાં ઉતારવામાં આવ્યો હતો.
આપને જણાવી દઈએ કે વેંકટેશ અય્યરને આઈપીએલમાં શાનદાર પ્રદર્શનના કારણે ટીમ ઈન્ડિયામાં જગ્યા મળી હતી. તેણે IPL 2021માં કોલકાતા નાઈટ રાઈડર્સ (KKR) તરફથી રમતી વખતે તેની બેટિંગ અને બોલિંગથી પણ ધમાલ મચાવી હતી. એક સમય એવો હતો જ્યારે તેને ઓલરાઉન્ડર હાર્દિક પંડ્યાનો વિકલ્પ પણ માનવામાં આવતો હતો, કારણ કે હાર્દિક ઈજાના કારણે ટીમ ઈન્ડિયાની બહાર હતો. પરંતુ ત્યારબાદ વેંકટેશને ખરાબ ફોર્મના કારણે ટીમ ઈન્ડિયામાંથી બહાર થવું પડ્યું હતું.
આ પણ વાંચો:એક જ ફ્લાઇટમાં સવાર વિશ્વભરના મહાન ખેલાડીઓ, સચિન તેંડુલકરે શેર કરી યાદગાર તસવીરો
આ પણ વાંચો:શાહીન આફ્રિદીએ કર્યો મોટો ખુલાસો, બિમારીનો ખર્ચ પોતે જ ઉઠાવી રહ્યો છે, PCB પર લોકો ભડક્યા
આ પણ વાંચો:ટેનિસ સ્ટાર રોજર ફેડરરે કરી નિવૃત્તિની જાહેરાત, લેવર કપમાં રમશે છેલ્લી મેચ
