પ્રખ્યાત હિન્દુ નેતા આચાર્ય સ્વામી ધર્મેન્દ્રનું આજે અવસાન થયું છે. રાજસ્થાનના જયપુરમાં તેમણે અંતિમ શ્વાસ લીધા છે. આચાર્ય સ્વામી ધર્મેન્દ્રની તબિયત છેલ્લા 1 મહિનાથી સારી નહોતી. તેથી તેમને સવાઈ માન સિંહ સરકારી હોસ્પિટલમાં દાખલ કરવામાં આવ્યા હતા. ત્યાં તેમને વેન્ટિલેટર પર રાખવામાં આવ્યા હતા અને અહીં જ તેમણે અંતિમ શ્વાસ લીધા.
થોડા દિવસ પહેલા વડાપ્રધાન નરેન્દ્ર મોદી, લોકસભાના સ્પીકર ઓમ બિરલાએ તેમની તબિયત વિશે પૂછપરછ કરી હતી. આચાર્ય ધર્મેન્દ્રના પુત્રવધૂ અર્ચના શર્મા રાજસ્થાનના સમાજ કલ્યાણ બોર્ડના અધ્યક્ષ છે.
તેમના નિધન પર શોક વ્યક્ત કરતા દેશના ગૃહમંત્રી અમિત શાહે ટ્વીટ કરતા લખ્યું- શ્રી પંચખંડ પીઠાધીશ્વર આચાર્ય ધર્મેન્દ્રજીના નિધનથી દુઃખી. સનાતન પરંપરાને આગળ ધપાવવા અને શ્રી રામજન્મભૂમિ ચળવળને લોકો સુધી લઈ જવામાં તેમનું અજોડ યોગદાન હતું. તેમના વિચારો આવનારી પેઢીઓને પ્રેરણા આપતા રહેશે. હું તેમના અનુયાયીઓ પ્રત્યે મારી સંવેદના વ્યક્ત કરું છું. ઓમ શાંતિ
श्रीपंचखंड पीठाधीश्वर आचार्य धर्मेन्द्र जी के निधन से दुखी हूँ। सनातन परंपरा को आगे बढ़ाने व श्रीराम जन्मभूमि आंदोलन को जन-जन तक ले जाने में उनका अतुलनीय योगदान रहा। उनके विचार आने वाली पीढ़ियों को प्रेरित करते रहेंगे। मैं उनके अनुयायियों के प्रति संवेदना व्यक्त करता हूँ। ॐ शांति pic.twitter.com/XBZ8m1EfAQ
— Amit Shah (@AmitShah) September 19, 2022
આચાર્ય ધર્મેન્દ્ર રામ મંદિર આંદોલનમાં પણ સક્રિય હતા. વિશ્વ હિંદુ પરિષદ સાથેના તેમના લાંબા જોડાણ દરમિયાન પણ તેઓ ચર્ચામાં રહ્યા હતા. તેમણે રામ મંદિર મુદ્દે ખૂબ જ નિખાલસતાથી વાત કરી હતી. બાબરી ધ્વંસ કેસમાં ચુકાદો આવવાનો હતો ત્યારે આચાર્ય ધર્મેન્દ્રએ કહ્યું હતું કે હું આરોપી નંબર વન છું. સજાથી ડરો છો? તેમણે જે કંઈ કર્યું તે બધાની સામે કર્યું.
આ પણ વાંચો:વડોદરા અંદાજીત ૩૦૦ સરકારી કર્મીઓ માસ CL પર ઉતરતા અરજદારોને ધક્કા
આ પણ વાંચો:બોયકોટ કરેલી બોલીવૂડની ફિલ્મો વધુ હીટ થાય છે…..?
આ પણ વાંચો:ઉત્તર ગુજરાતની 32 વિધાનસભા બેઠકો માટે ભાજપે રણનીતિ બદલી,એકલા પાટીદારો પર ભરોસાે નહીં રાખે!
